تۇركيا پرەزيدەنتى رەجەپ تايىپ ەردوعان ءازىربايجاننىڭ جەرى مەن قۇقىقتارىنا قول سۇعۋعا قارسى ەكەنىن ايتتى. 

ءازىربايجان مەن ارمەنيا اراسىنداعى قاقتىعىستارعا تۇسىنىكتەمە بەرگەن تۇرىك باسشىسى: «تۇركيا ارمەنيانىڭ دوس جانە باۋىرلاس ازىربايجانعا جاساعان شابۋىلدارىن قاتاڭ ايىپتايدى» دەدى.

ونىڭ ايتۋىنشا،تۇركيا «تاۋلى قاراباح پەن وعان ىرگەلەس جاتقان ايماقتارعا بايلانىستى جالعاسىپ كەلە جاتقان شيەلەنىستەر ارمەنيا تاراپىنىڭ جۇيەلى جانە ۇقىپسىز شابۋىلدارىنا» اكەلۋى مۇمكىن دەپ الاڭدايدى.

«ارمەنيانىڭ سوڭعى شابۋىلدارى ەكى ەلدىڭ مەملەكەتتىك شەكاراسىندا اۋىر قارۋ قولدانۋمەن ورىن الدى. ياعني، بۇل شەكارانى نەمەسە قاقتىعىستاردى بۇزۋ ارەكەتى ەمەس، ازىربايجانعا قارسى قاساقانا اشىق اگرەسسيا»,-دەدى ەردوعان.

تۇركيا پرەزيدەنتى بۇل «ارمەنيا دەڭگەيىندە ورىندالمايتىن ارەكەت» ەكەنىن اتاپ ءوتتى. جانە ول ازىربايجانعا قاتىستى «كەز-كەلگەن اگرەسسياعا قارسى» ەكەنىن مالىمدەدى.

تۇركيانىڭ قورعانىس ءمينيسترى حۋلۋسي اكار دا ءازىربايجاندى قولدايتىنىن ايتقان.

«ءبىز ارميان تاراپىنىڭ شابۋىلدارىن قاتاڭ ايىپتايمىز. ءازىربايجاننىڭ قاسىرەتى ءبىزدىڭ دە قاسىرەتىمىز. ءبىز باۋىرلاس حالقىمىزعا تەرەڭ قايعىرىپ، قازا بولعانداردىڭ وتباسى مەن جاقىندارىنا كوڭىل ايتامىز»، - دەدى مينيستر.

اكار «تۇركيا مەن ونىڭ اسكەرى ءازىربايجان جەرلەرىنىڭ ءبىر بولىگىن، سونىڭ ىشىندە تاۋلى قاراباقتى باسىپ العان ارمەنيانىڭ اگرەسسياسىنا قارسى كۇرەستە ازىربايجانعا قولداۋ كورسەتۋگە دايىن» ​​دەدى.

ايتا كەتەيىك، 12 شىلدەدە ارمەنيا-ءازىربايجان شەكاراسىندا سوعىس  باستالدى. ولار وق اتۋعا قاتىستى كىنانى ءبىر-بىرىنە يتەرمەلەۋدە. ەكى جاقتا دا ونداعان ادام قازا بولدى.

Abai.kz