بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
1119 4 پىكىر 3 شىلدە, 2020 ساعات 10:51

رەسەيدەگى پلەبيستسيت ناتيجەسى: كونستيتۋتسياداعى جاڭا ەرەجەنى كوپشىلىك "قولدادى"

رەسەي سايلاۋشىلارىنىڭ 77,92 پايىزى كونستيتۋتسياداعى جاڭا ەرەجەنى قولدادى، سايلاۋشىلاردىڭ 21,27 پايىزى قارسى بولدى، دەپ حابارلادى رەسەيدىڭ ورتالىق سايلاۋ كوميسسياسى. رەفەرەندۋمعا سايلاۋشىلاردىڭ شامامەن 65 پايىزى قاتىسقان.

شەشەنستان (97,92%), تۋۆا (96,79%) جانە قىرىمداعى (90,07%) سايلاۋشىلار بەلسەندىلىگىمەن ەرەكشەلەنگەن.

نەنەتسك اۆتونوميالى وكرۋگى تۇرعىندارىنىڭ كوبى (55,25%) زاڭ ەرەجەسىن قولداماعان.

1 شىلدەدە رەسەيدە كونستيتۋتسياداعى تۇزەتۋلەردى داۋىسقا سالۋ اياقتالدى. 25 ماۋسىمدا باستالعان رەفەرەندۋم ءبىر اپتاعا سوزىلدى.

رەسەي كونستيتۋتسياسىنىڭ وزگەرۋىنە قارسى "نەت!" ناۋقانىن ۇيىمداستىرۋشىلار ەكزيتپول مالىمەتتەرىن جاريالادى. ول بويىنشا، ماسكەۋ قالاسى تۇرعىندارىنىڭ 55 پايىزى قارسى داۋىس بەرگەن. پەتەربۋرگتە ساۋالناماعا قاتىسقانداردىڭ 63 پايىزى جاڭا ەرەجەگە قارسى ەكەنىن ايتقان. زەرتتەۋگە 7 مىڭنان استام ادام قاتىسقان.

كونستيتۋتسياعا ەنگەن ەرەجەلەردىڭ ءبىرى – ۆلاديمير ءپۋتيننىڭ پرەزيدەنت مەرزىمدەرى وشىرىلەدى. ەندى ول 2036 جىلعا دەيىن بيلىك باسىندا قالا الادى.

Abai.kz

4 پىكىر