بەيسەنبى, 6 تامىز 2020
COVID-19 قازاقستاندا. جۇقتىرعاندار — 94882. جازىلعاندار — 67031. قايتىس بولعاندار — 1058
1236 1 پىكىر 2 شىلدە, 2020 ساعات 14:24

جۇزدەگەن تاجىكستاندىق قازاق-وزبەك شەكاراسىنان وتە الماي تۇر

ءتاجىستاننىڭ جۇزدەگەن ازاماتى قازاقستاننىڭ وزبەكستانمەن شەكاراسىنداعى "جىبەك جولى" باقىلاۋ-وتكىزۋ بەكەتىندە تۇر. شەكارا كوروناۆيرۋس پاندەمياسىنا بايلانىستى جابىق بولعاندىقتان ميگرانتتار ۇيىنە قايتا الماي ءجۇر.

تاجىكستاننىڭ قازاقستانداعى ەلشىلىگى شەكارادا ءبىر توپ تاجىكستاندىق تۇرعانىن راستادى.

ەلشىلىكتىڭ حابارلاۋىنشا، اۆتوۆوكزالدا بىرنەشە اپتا بولعان ءجۇز شاقتى ادام 1 شىلدەدە ەلگە قايتتى.

ء"بىز مۇندا جەتى اۆتوبۋسپەن تۇندە كەلدىك. "جىبەك جولىندا" ءۇش جۇزگە تارتا وتانداس بار ەكەن. ءبىزدى تاجىكستان شەكاراسىنا دەيىن جەتكىزەدى دەدى. بىراق وسىندا اكەلىپ تاستاپ كەتتى. ەندى نە ىستەۋ كەرەكتىگىن بىلمەيمىز", - شەكارادا تۇرعان تاجىكستاندىق يلحوم بوبيەۆ.

19 ماۋسىمدا حالىقارالىق ميگراتسيا جونىندەگى ۇيىم تاجىكستاننىڭ 635 ازاماتىن 14 اۆتوبۋسپەن ۇيگە جەتكىزدى. ميگرانتتاردىڭ ەلگە قايتۋىنا قازاقستان، وزبەكستان جانە تاجىكستان ۇكىمەتتەرى كومەكتەستى.

تاجىك ديپلوماتتارىنىڭ حابارلاۋىنشا، قازاق-وزبەك شەكاراسىندا قالعان تاجىكستاندىقتاردى ەكى-ءۇش كۇندە ۇيگە جەتكىزەدى.

Abai.kz

1 پىكىر