Eurasian Resources Group اكتسيونەرى اليدجان يبراگيموۆ «حالىق العىسى» مەدالىن الدى. بۇل تۋرالى «arasha.kz» سايتى جازدى.

ال يبراگيموۆ اكتسيونەرى بولىپ تابىلاتىن كورپوراتسيانىڭ رەسمي سايتىندا (erg.kz) «حالىق العىسى» ماراپاتىنىڭ ناقتى قانداي قىزمەتى ءۇشىن بەرىلگەنى تۋرالى جازىلىپتى.

«ERG-ءدىڭ نەگىزىن قالاۋشىلار مەن اكتسيونەرلەرىنىڭ ءبىرى، ديرەكتورلار كەڭەسىنىڭ مۇشەسى اليدجان يبراگيموۆ ناۋرىز ايىنىڭ سوڭىندا ءىرى بيزنەس وكىلدەرىنىڭ الدى بولىپ، «جاڭا پاۆلودار» قوعامدىق قورىنا قاراجات بولگەن. قور ايماقتاعى ەپيدەمياعا قارسى شارالاردى قولداۋعا، قيىندىقتارعا تاپ بولعان ازاماتتاردى الەۋمەتتىك جانە مەديتسينالىق قولداۋعا، سovd-19 ينفەكتسياسىمەن كۇرەسكە قاجەتتى مەديتسينالىق جابدىقتار مەن قۇرالدار ساتىپ الۋعا قاراجات جيناعان. اليدجان يبرگايموۆتىڭ وتباسى قورعا ءوز قاراجاتىنان  100 ملن تەڭگە بەرگەن بولاتىن»، - دەپ جازىلعان رەسمي اقپاراتتا.

ودان بولەك الماتى قالاسىنىڭ قورىنا دا 100 ملن تەڭگە اۋدارىپتى. استانادا كوروناۆيرۋستىڭ الدىن الۋ شارالارىن ىسكە اسىرۋ ءۇشىن 100 ميلليون تەڭگە جانە اۋدارعان.

ال ەكس-پرەزيدەنت نۇرسۇلتان نازارباەۆتىڭ باستاماسىمەن قۇرىلعان «ءبىز بىرگەمىز» قورىنا ەۋرازيالىق توپ اتىنان اديلجان يبراگيموۆ پەن الەكساندر ماشكەۆيچ 4,5 ميلليارد تەڭگە ءبولىپتى.

بۇگىنگى تاڭدا ەۋرازيالىق توپتا 60 مىڭنان استام ادام ەڭبەك ەتەدى ەكەن.

Abai.kz