“وكىنىشكە قاراي، بۇگىندە مەملەكەتتىك بولسىن، جەكەمەنشىك بولسىن، جۇمىس بەرۋشىلەردىڭ كوبى ءىس-ساپاردان، ەڭبەك دەمالىسىنان، اۋىرۋعا بايلانىستى ۇزىلىستەن شىققان قىزمەتكەرلەرىنىڭ بارىنەن مىندەتتى تۇردە پتر ءاناليزىن تالاپ ەتىپ جاتىر. قۇرمەتتى جۇمىس بەرۋشىلەر، بۇل تالاپ ينفەكتسيانىڭ ۇجىمىڭىزعا كىرۋىنەن قورعامايدى” دەدى ەسماعامبەتوۆا ورتالىق كوممۋنيكاتسيالار قىزمەتىندەگى بريفينگتە.
دارىگەردىڭ ايتۋىنشا، ەگەر جۇمىس ورنى اشىق بولىپ، قىزمەتكەرلەرى كىرىپ-شىعا السا، تاپسىرىلعان پتر تەستىنەن پايدا جوق.
“تاڭەرتەڭ جۇمىسقا كەلەردە جانە جۇمىس ورنىنان ۇيگە قايتاردا ءبىز ادامدارمەن بايلانىسقا تۇسەمىز – قوعامدىق كولىككە مىنەمىز، دۇكەنگە بارامىز، جاقىندارىمىزبەن جانە دوستارىمىزبەن كەزدەسەمىز، بەلگىلى ءبىر قىزمەتكە جۇگىنەمىز. مۇندايدا ۆيرۋس جۇقتىرۋ قاۋپى ءاردايىم بولادى” دەدى ول.
ەسماعامبەتوۆانىڭ سوزىنشە، جۇمىس بەرۋشىلەردىڭ بۇل تالابى پتر تالداۋىن جۇرگىزەتىن زەرتحانالارعا ارتىق سالماق ءتۇسىرىپ وتىر.
“پتر ءاناليزىن ونى راسىمەن قاجەت ەتەتىندەر عانا تاپسىرۋى ءتيىس. ال جۇمىس بەرۋشىلەر قىزمەتكەرلەرىن پروفيلاكتيكانىڭ وزگە تۇرلەرىمەن قامتاماسىز ەتە الادى. مىسالى، جۇمىسقا كىرەبەرىسكە كونتاكتىسىز تەرمومەتريا قويۋ، سانيتايزەرلەرمەن قامتاماسىز ەتۋ، ماسكا تاعۋ، الەۋمەتتىك قاشىقتىقتى ۇستانۋ” دەدى ەسماعامبەتوۆا.
19 ماۋسىم كۇنى دەنساۋلىق ساقتاۋ ۆيتسە-ءمينيسترى ءلاززات اقتاەۆا ەلدە پتر تالداۋىن 56 زەرتحانا جۇرگىزىپ جاتىر دەگەن بولاتىن. ۆيتسە-مينيستر كۇنىنە 28 مىڭعا جۋىق پتر تالداۋى جاسالاتىنىن، بۇل كورسەتكىشتى 35 مىڭعا جەتكىزۋ جوسپارلانىپ وتىرعانىن ايتقان. تالداۋدىڭ باسىم كوپشىلىگىن ۇلتتىق ەكسپەرتيزا ورتالىعى، “وليمپ”، “مپك” ءموبيلدى ورتالىعى، Invitro, رەپرودۋكتيۆتى مەديتسينا وبلىستىق ورتالىعى جانە Invivo زەرتحانالارى جۇرگىزىپ وتىر.
تۇرعىندار اناليز تاپسىرۋدا قيىندىققا تاپ بولىپ جاتقانىن ايتىپ، شاعىمدانىپ جاتىر.
دەنساۋلىق ساقتاۋ مينيسترلىگىنە قاراستى قوعامدىق دەنساۋلىق ساقتاۋ ۇلتتىق ورتالىعىنىڭ دەرەگىنشە، كوروناۆيرۋس پاندەمياسى باستالعالى قازاقستاندا 1,37 ميلليون پتر ءاناليزى الىنعان.
19-20 ماۋسىمدا ءبىر كۇندە 30 مىڭنان استام اناليز الىنسا، 22-23 ماۋسىم كۇندەرى بۇل كورسەتكىش 24 مىڭعا جەتپەي قالدى.
قازاقستاندا كوروناۆيرۋس 28 856 ادامنان انىقتالعان. رەسمي ستاتيستيكاعا ونىڭ 18 231-ءى عانا كىرگەن.
قازاقستان بيلىگى 3 ماۋسىمنان بەرى كوروناۆيرۋس جۇقتىرعانداردى اۋرۋ بەلگىسىنىڭ بار-جوعىنا قاراي ەكى بولەك ەسەپتەپ كەلەدى. اۋرۋ بەلگىلەرى بارىن “اۋىرعاندار”، جوعىن “تاسىمالداۋشى” دەپ اتادى. بيلىك سوڭعىسىن ۆيرۋس جۇقتىرعانداردىڭ نەگىزگى ستاتيستيكاسىنا كىرگىزبەي وتىر. ال كوروناۆيرۋستىڭ تارالۋىن باقىلاپ وتىرعان الەمدىك دەنساۋلىق ساقتاۋ ۇيىمدارى مەن ورتالىقتارى بيلىكتىڭ رەسمي دەرەگىنە سۇيەنىپ، قازاقستاندا COVID-19 جۇقتىرعانداردىڭ سانىن كورسەتەردە اۋرۋ بەلگىسى جوق جاعدايلاردى ەسكەرمەي وتىر.
بارلىعى 11 158 ادام جازىلىپ شىعىپ، كوروناۆيرۋستان 127 ادام قايتىس بولدى.
Abai.kz
