“بۇل شەشىم قاجىلىقتىڭ قوعامدىق دەنساۋلىقتى ساقتاۋ تۇرعىسىنان قاۋىپسىز ءوتۋى ءۇشىن جاسالدى. ادامزاتتى پاندەمياعا بايلانىستى قاتەردەن قورعاۋعا قاجەتتى جانە ادامزاتتىڭ ءومىرىن ساقتاپ قالۋ جونىندەگى يسلام ىلىمىنە سايكەس بارلىق الدىن الۋ شارالارى مەن قاشىقتىقتى ۇستانۋ حاتتامالارى جۇزەگە اسىرىلادى” دەلىنگەن مينيسترلىك مالىمدەمەسىندە.

قاجىلىق مۇسىلماننىڭ بەس پارىزىنىڭ ءبىرى. دەنساۋلىعى مەن قاراجاتى بار مۇسىلمان عۇمىرىندا ءبىر رەت قاجىلىق جاساۋعا مىندەتتى.

ءار جىل سايىن 180-نەن استام ەلدەن 2,5 ميلليون ادام ساۋد ارابياسىنداعى مەككە مەن ماديناعا قاجىلىققا كەلەدى.

ميلليونداعان شەتەل ازاماتىنىڭ كەلۋى نەمەسە ادامداردىڭ توپتالۋى جۇعۋ دەڭگەيى جوعارى كوروناۆيرۋستىڭ تاراۋىن ۇدەتۋى مۇمكىن.

ساۋد ارابياسى بولسا، كوروناۆيرۋستان قاتتى زارداپ شەككەن ەلدەردىڭ قاتارىنان تابىلىپ وتىر. دجونس حوپكينس ۋنيۆەرسيتەتىنىڭ مالىمەتىنشە، ەلدە 161 مىڭ ادامنان كوروناۆيرۋس انىقتالعان. ونىڭ 1307-ءسى قايتىس بولعان.

Abai.kz