ۇبت-2020 باستالدى. ۇلتتىق بىرىڭعاي تەستىلەۋدىڭ العاشقى كۇنى 6 206 وقۋشى تەست تاپسىرعان. ارالارىندا ءتارتىپ بۇزىپ، تەستكە جىبەرىلمەگەندەر دە بار. بۇل تۋرالى ءبىلىم جانە عىلىم مينيسترلىگى حابارلادى.

نەگىزى ۇبت-نىڭ ءبىرىنشى كۇنى 6 512 ادام تەستىلەۋدەن ءوتۋدى جوسپارلاعان. بىراق 144 تالاپكەر ۇبت وتكىزۋ پۋنكتەرىنە كەلمەگەن. 160 ادام ەرەجە بۇزعانى ءۇشىن تەستتەن شەتتەتىلگەن. تەستىلەۋگە كىرگىزۋ بارىسىندا 2 تالاپكەردە جوعارى تەمپەراتۋرا انىقتالدى، ولار ۇبت-نى باسقا كۇنى، ساۋىققان سوڭ تاپسىرا الادى. ءسويتىپ، 21 ماۋسىمداعى ناتيجە بويىنشا، 6 206 ادام ۇبت ناتيجەلەرىن الادى. قاتىسۋشىلارعا ەلەكتروندى سەرتيفيكات بەرىلەدى.

«ۇبت-عا قاتىسۋشىلاردى تاۋەلسىز ساراپشىلار قاداعالادى. ولاردىڭ قۇرامىنا ارنايى مونيتورينگتىك توپتاردىڭ مۇشەلەرى، قوعام قايراتكەرلەرى، ۇكىمەتتىك ەمەس ۇيىم، سىبايلاس جەمقورلىققا قارسى قىزمەت جانە «ادالدىك الانى» جوبالىق كەڭسە وكىلدەرى كىردى.

بيىل ۇبت-داعى باقىلاۋ كۇشەيتىلدى. ءار اۋديتوريا بەينەباقىلاۋ كامەرالارىمەن جابدىقتالعان. قاتىسۋشىلار مەتالل ىزدەگىشتەن وتپەس بۇرىن

ەرەجەلەردى ۇستانۋ تۋرالى مىندەتتەمەلەرمەن تانىسىپ، تىيىم سالىنعان زاتتاردىڭ جوقتىعى تۋرالى قۇجاتقا قول قويادى.

تىيىم سالىنعان زاتتاردى قولدانۋعا جاسالعان كەز كەلگەن ارەكەت تەست ناتيجەلەرىن جارامسىز ەتەدى، قاتىسۋشى اۋديتوريادان شىعارىلادى جانە وسى جىلى ۇبت-نى قايتا تاپسىرا المايدى.

العاشقى كۇننىڭ قورىتىندىسى بويىنشا: تىيىم سالىنعان زاتتاردى الىپ وتۋگە تىرىسقانى ءۇشىن 73 جانە تەست تاپسىرۋ بارىسىندا ۇبت ەرەجەلەرىن بۇزعانى ءۇشىن 87 تالاپكەر، ياعني 160 ادام

تەست تاپسىرۋ مۇمكىندىگىنەن ايىرىلدى.

ولاردىڭ باسىم كوپشىلىگى تۇركىستان وبلىسى مەن شىمكەنت قالاسىندا تىركەلگەن.

25 تامىزعا دەيىن ءار اۋديتوريادان الىنعان بەينەجازبانى ماماندار زەردەلەيدى. ەگەر بەينەماتەريالداردى تالداۋ كەزىندە ەرەجەلەردى بۇزۋ انىقتالسا، تالاپكەردىڭ تەست ناتيجەلەرىنىڭ جويىلۋىنا اكەلەدى. ەگەر سول كەزدە قاتىسۋشىعا گرانت تاعايىندالعان بولسا، وندا ول گرانتتان ايرىلادى.

تالاپكەرلەرگە ساتتىلىك تىلەيمىز!

شپارگالكا دايىنداۋدىڭ قاجەتى جوق، تىيىم سالىنعان زاتتاردى اكەلمەگەن ءجون. ءوز كۇشتەرىڭىزگە سەنىمدى بولىڭىزدار!»،- دەپ مالىمدەدى مينيسترلىكتىڭ ءباسپاسوز قىزمەتى.

Abai.kz