ÚBT-2020 bastaldy. Últtyq birynghay testileuding alghashqy kýni 6 206 oqushy test tapsyrghan. Aralarynda tәrtip búzyp, testke jiberilmegender de bar. Búl turaly Bilim jәne ghylym ministrligi habarlady.

Negizi ÚBT-nyng birinshi kýni 6 512 adam testileuden ótudi josparlaghan. Biraq 144 talapker ÚBT ótkizu punkterine kelmegen. 160 adam ereje búzghany ýshin testten shettetilgen. Testileuge kirgizu barysynda 2 talapkerde joghary temperatura anyqtaldy, olar ÚBT-ny basqa kýni, sauyqqan song tapsyra alady. Sóitip, 21 mausymdaghy nәtiyje boyynsha, 6 206 adam ÚBT nәtiyjelerin alady. Qatysushylargha elektrondy sertifikat beriledi.

«ÚBT-gha qatysushylardy tәuelsiz sarapshylar qadaghalady. Olardyng qúramyna Arnayy monitoringtik toptardyng mýsheleri, qogham qayratkerleri, Ýkimettik emes úiym, sybaylas jemqorlyqqa qarsy qyzmet jәne «Adaldyk alany» jobalyq kense ókilderi kirdi.

Biyl ÚBT-daghy baqylau kýsheytildi. Ár auditoriya beynebaqylau kameralarymen jabdyqtalghan. Qatysushylar metall izdegishten ótpes búryn

erejelerdi ústanu turaly mindettemelermen tanysyp, tyiym salynghan zattardyng joqtyghy turaly qújatqa qol qoyady.

Tyiym salynghan zattardy qoldanugha jasalghan kez kelgen әreket test nәtiyjelerin jaramsyz etedi, qatysushy auditoriyadan shygharylady jәne osy jyly ÚBT-ny qayta tapsyra almaydy.

Alghashqy kýnning qorytyndysy boyynsha: tyiym salynghan zattardy alyp ótuge tyrysqany ýshin 73 jәne test tapsyru barysynda ÚBT erejelerin búzghany ýshin 87 talapker, yaghny 160 adam

test tapsyru mýmkindiginen aiyryldy.

Olardyng basym kópshiligi Týrkistan oblysy men Shymkent qalasynda tirkelgen.

25 tamyzgha deyin әr auditoriyadan alynghan beynejazbany mamandar zerdeleydi. Eger beynematerialdardy taldau kezinde erejelerdi búzu anyqtalsa, talapkerding test nәtiyjelerining joyyluyna әkeledi. Eger sol kezde qatysushygha grant taghayyndalghan bolsa, onda ol granttan airylady.

Talapkerlerge sәttilik tileymiz!

Shpargalka dayyndaudyng qajeti joq, tyiym salynghan zattardy әkelmegen jón. Óz kýshterinizge senimdi bolynyzdar!»,- dep mәlimdedi ministrlikting baspasóz qyzmeti.

Abai.kz