ەلىمىزدەگى جالعىز سپورتتىق تەلەارنا «Qazsport» ارناسىنىڭ ديرەكتورى قىزمەتىنە ناعي باقىتبەكوۆ تاعايىندالدى.  

«قازاقستان» رترك» اق باسقارما ءتورايىمى ءلاززات تانىسباي ۇجىمعا جاڭا باسشىنى تانىستىرىپ، ن.باقىتبەكوۆتىڭ تاعايىندالۋى ارنانىڭ قىزمەتىنە جاڭا سەرپىن بەرىپ، ودان ءارى دامۋىنا ىقپال ەتەتىنىنە سەنىم ءبىلدىردى.

ناعي باقىتبەكوۆ 1987 جىلى دۇنيەگە كەلگەن. بۇعان دەيىن «KazFootball» اقپاراتتىق فۋتبول پورتالىنىڭ ديرەكتورى، سوڭعى ءۇش جىلدا قازاقستان فۋتبول فەدەراتسياسى ماركەتينگ جانە PR دەپارتامەنتىنىڭ ديرەكتورى قىزمەتىن اتقارعان.

«Qazsport» ارناسى سپورت جانكۇيەرلەرىنىڭ سۇرانىسىنا ساي ىشكى چەمپيوناتتار مەن حالىقارالىق بەدەلدى باسەكەلەردەن حابار تاراتىپ قانا قويماي، جاس جەتكىنشەكتەردى سپورتقا باۋلىپ، قازاقستاندىقتاردىڭ سالاۋاتتى ءومىر سالتىن قالىپتاستىرۋ ىسىنە اتسالىسۋى ءتيىس»، - دەدى ل.تانىسباي.

«Qazsport» قازاققا نە كورسەتىپ ءجۇر؟

سونداي-اق باسقارما ءتورايىمى وسىعان دەيىن ارنانى 5 جىلدان اسا باسقارعان پاۆەل ءتسىبۋليننىڭ وتاندىق سپورتتىق جۋرناليستيكانىڭ دامۋىنا قوسقان ۇلەسى مەن سىڭىرگەن ەڭبەگىن اتاپ ءوتىپ، اتقارعان جۇمىسى ءۇشىن زور العىس ءبىلدىردى.

«پ.تسىبۋلين تاجىريبەلى مامان رەتىندە اۋتسورسينگ كومپانيادا «Qazsport» تەلەارناسىنىڭ كونتەنت ءوندىرىسى جانە شىعارماشىلىق جوبالارمەن اينالىسادى»، - دەدى ل.تانىسباي.

Abai.kz