وتكەن جىلى وبلىس اكىمى بەردىبەك ساپارباەۆتىڭ باستاماسىمەن ەلىمىزدە ءبىرىنشى بولىپ وسكەمەندە «ەتنواۋىل» دەپ اتالاتىن وزگەشە اۋىل بوي كوتەرگەن-ءدى. ەرتىستىڭ سول جاعالاۋىن ەن جايلاپ، تاتۋلىق پەن ىنتىماقتىڭ ءتۇتىنىن تۇتەتكەن بۇل ەلدى مەكەننىڭ ەرەكشەلىگى سول - مۇندا قازاق پەن ورىستان باستاپ، كارىستى دە، نەمىستى دە، شەشەندى دە، تاتاردى دا، ۇيعىردى دا، قىسقاسى وڭىرىمىزدە ءومىر ءسۇرىپ جاتقان ءتۇرلى ۇلت وكىلدەرىن كەزدەستىرەسىز.

وتكەن جىلى وبلىس اكىمى بەردىبەك ساپارباەۆتىڭ باستاماسىمەن ەلىمىزدە ءبىرىنشى بولىپ وسكەمەندە «ەتنواۋىل» دەپ اتالاتىن وزگەشە اۋىل بوي كوتەرگەن-ءدى. ەرتىستىڭ سول جاعالاۋىن ەن جايلاپ، تاتۋلىق پەن ىنتىماقتىڭ ءتۇتىنىن تۇتەتكەن بۇل ەلدى مەكەننىڭ ەرەكشەلىگى سول - مۇندا قازاق پەن ورىستان باستاپ، كارىستى دە، نەمىستى دە، شەشەندى دە، تاتاردى دا، ۇيعىردى دا، قىسقاسى وڭىرىمىزدە ءومىر ءسۇرىپ جاتقان ءتۇرلى ۇلت وكىلدەرىن كەزدەستىرەسىز.

كەزدەستىرىپ قانا قويماي، اتالعان ەتنوس-تاردىڭ سالت-داستۇرىنەن، ادەت-عۇرپىنان، تۇرمىس-تىرشىلىگىنەن ماعلۇمات بەرەتىن بايىرعى باسپانالارىنا باس سۇعىپ، تاماشالايسىز. جالپى اۋماعى ات شاپتىرىم جەردى (7 گەكتاردى) الىپ جاتقان، سوناۋ XIX-XX عاسىرلاردان سىر شەرتەتىن قونىستار ءانسامبلىنىڭ قۇرامىندا 11 ۇلت وكىلىنىڭ ەرتە زاماندا تۇراقتاعان ءۇي-جايلارى ورنالاسقان. ءبىر ايدىڭ ىشىندە حاس شەبەرلەردىڭ قولىمەن تۇرعىزىلعان ءساندى دە ءماندى اۋىلدى بىلتىر شىعىسقا جاساعان ساپارى بارىسىندا ەلباسى نۇرسۇلتان نازارباەۆ ارالاپ كورىپ، وڭ باعاسىن بەرگەن-ءدى. سونداي-اق، پرەزيدەنت شىعىستاعى وڭ تاجىريبەنى بۇكىل ەلىمىزگە تاراتۋعا تاپسىرما بەرگەن بولاتىن. وبلىس ايماعىندا تىرشىلىك ەتۋشى ەتنوستاردىڭ ەجەلدەن بەرى جالعاسىپ كەلە جاتقان اتا ءداستۇرىن، تۇرمىس-سالتىن ناسيحاتتاۋدى ماقسات تۇتقان ەتنواۋىلدىڭ ءاربىر ۇيىنەن ادامدار ءومىر سۇرگەن سول كەزەڭنىڭ كورىنىسىن اڭعارۋ قيىن ەمەس. دەسەك تە، مۇندا جۇرتتار تۇراقتى تۇردە تۇرمايدى، تەك مەرەكەلىك كۇندەردە نەمەسە قالاعا سىيلى قوناقتار كەلگەندە، وقۋشىلار مەن ستۋدەنت جاس-تار تانىسۋعا ساياحات جاساعان كەزدە عانا ەتنوكەشەندە تىرشىلىك قىزا تۇسەدى.

بۇگىندە اشىق اسپان استىندا ورىن تەپكەن ەتنواۋىل مۇراجايلار قاتارىنا ەنگىزىلىپ، وسكەمەندەگى ەتنوگرافيالىق قورىق-مۇراجايىنىڭ قاراماعىنا وتكەن. مۇراجاي ديرەكتورى نيكولاي زايتسەۆتىڭ ايتۋىنشا، مۇندا ءالى تالاي قوسىمشا دۇنيەلەر سالىنباق. ايتالىق، قونىس ىشىنەن ارنايى شەبەرحانا اشۋ جوسپاردا بار. وندا ءار ۇلت وكىلى وزدەرىنە ءتان قولونەر تۇرىمەن اينالىساتىن بولادى.

«اباي-اقپارات»