اقپاراتقا قاراعاندا، جۇمىسشىلاردىڭ قاۋىپسىزدىگىن ارتتىرۋ جانە ۇشاق ساپاسىن جاقسارتۋ ءۇشىن ءوندىرىس باياۋ جۇرەدى.
ساۋىردە كومپانيا 737 MAX ۇشاقتارىن جەتكىزۋ ءۇشىنشى توقساندا، ءوندىرىستى قوسۋعا رۇقسات العاننان كەيىن جۇزەگە اساتىنىن حابارلاعان. وسىعان دەيىن Reuters اگەنتتىگى بۇل ۇلگىدەگى ۇشاقتاردىڭ ۇشۋىنا تامىزدان كەيىن عانا رۇقسات بەرىلەتىنىن حابارلاعان.
737 MAX ۇشاقتارىنىڭ ۇشۋىنا الەمنىڭ بارلىق ەلدەرىندە، ونىڭ ىشىندە اقش-تا 2019 جىلى ناۋرىزدا موراتوري ەنگىزىلگەن.
بۇل ۇلگىدەگى ۇشاق 2018 جىلى قازاندا يندونەزيادا، 2019 جىلى ناۋرىزدا ەفيوپيادا قۇلاپ، 346 ادام قايتىس بولعان.
وسى وقيعالاردان Boeing 2019 جىلى 9 ملرد دوللار شىعىنعا ۇشىراعان.
قازىر كوروناۆيرۋس پاندەمياسىنان ۇشاقتارعا سۇرانىس تومەندەپ كەتكەندىكتەن، كومپانيا قىزمەتكەرلەرىنىڭ سانىن 10 پايىزعا ازايتۋعا نيەتتەنىپ وتىر.
Abai.kz
