بەيسەنبى, 2 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 1258 5 پىكىر 27 مامىر, 2020 ساعات 15:13

قازىرگى توي قازاققا نە بەرەدى؟

1. قازاقتىڭ قازىرگى تويىنىڭ كورىنىسى قانداي؟
زالدا ۇستەلدەردە زاماناۋي كيىم كيگەن 200-400 ادامدى كورەسىز، ەرەكشە كورىنىس پە؟ جوق.

2. نەسىمەن قىزىق؟
قىزىق ەشتەڭە جوق. بي-توست-ولەڭ-توست-ويىن-توست، توست توست توست!!! جانە ءبىر ادام ەمەس، ءار توستقا شۇباتىلىپ 20 ادام شىعادى. كەلگەن 300 ادامنىڭ 300-ءى توست ايتۋعا شىعادى! ءبارىنىڭ ايتاتىنى سول ءبىر تىلەك.

3. قانداي ۇلتتىق سالت بەلگىسى بار؟ بەتاشاردان باسقا ۇلتتى ەشتەڭە جوق.

4. ەرەكشە ۇلتتىق تاعامدار بولا ما؟
قازاقشا اسىلعان ەتتەن باسقا ەرەكشە ەشتەڭە جوق.

4. كىمگە پايدالى؟
رەستوراننىڭ يەسى بايعا پايدا، تاماداعا پايدا، فونوگراممامەن ايتاتىن انشىسىماقتارعا پايدا جانە بانككە پايدا.

5. تاريحى، مۇمكىن ءدال وسىلاي توي وتكىزۋ اتا-بابادان كەلە جاتىرعان شىعار؟
جوق. بۇنداي تويلار تەك سوڭعى 25 جىلدا شىقتى، سابەت زامانىندا بۇلاي وتپەدى، ال ودان بۇرىنعى زاماندا تويدى تەك بايلار وتكىزگەن، جانە بۇلاي 3-4 ساعات ەمەس، ات شاپتىرىپ، بالۋان كۇرەستىرىپ 3-4 كۇن تويلايتىن.

6. قاراجات ماسەلەسى.
3-4 ساعاتتىق تويعا ورتاشا 3-4 ملن. اقشا كەتەدى، ساعاتىنا 1 ملن. كوبى كرەديت الىپ جاسايدى، سوسىن بالەن جىل تولەيدى.

دەمەك، ءبىزدىڭ قازىرگى تويلارىمىزدا ۇلتتىق سالتتى كورسەتەتىن ەشتەڭە جوق، كادىمگى بانكەتتىڭ ءبىر ءتۇرى.
قۋانىپ باراتىندار از، كوبى ۇيالعاننان بارادى.

مەن ۇسىنار ەدىم بۇنداي پايداسىز تويلاردى تيىپ، كرەديت الماي، جاعدايىڭ جەتكەنشە ەڭ جاقىن اعايىنداردى شاقىرىپ ۇيدە، شاڭىراقتا وتكىزۋدى.

ال ەگەر باي بولساڭ وندا باياعىشا ۇلتتىق ناقىشتا ات شاپتىرىپ، ارقان تارتقىزىپ، بالۋان كۇرەستىرىپ 3 كۇن تويلا، كەلگەن ادامدار دا راقاتتانادى، شەتەلدىك كەلسە ءتىپتى ەسى اۋىپ قالاتىن شىعار ءداستۇر دەپ وسىنى ايت دەپ.

ارمان راحمەتتىڭ جەلىدەگى جازباسى

Abai.kz

5 پىكىر