سەنبى, 11 شىلدە 2020
COVID-19 قازاقستاندا. جۇقتىرعاندار — 56455. جازىلعاندار — 32500. قايتىس بولعاندار — 264
561 1 پىكىر 25 مامىر, 2020 ساعات 12:25

ساردوباداعى اپاتقا قاتىستى ءىس بويىنشە ەكى كۇدىكتى ۇستالدى

وزبەكستان باس پروكۋراتۋراسىنىڭ حابارلاۋىنشا، سىرداريا وبلىسى اۋماعىندا ساردوبا سۋ قويماسىنداعى اپاتقا قاتىستى قىلمىستىق ءىس بويىنشا ەكى كۇدىكتى قاماۋعا الىندى.

باس پروكۋراتۋرا قىلمىستىق ءىس تۋرالى باسقا مالىمەت بەرمەدى. تەرگەۋ ءجۇرىپ جاتىر.

5 مامىردا وزبەكستان پرەزيدەنتى شاۆكات ميرزياەۆ ۇكىمەت جينالىسىندا "ساردوبا سۋ قويماسىنداعى قايعىلى وقيعاعا كىنالىلەر جازالانادى" دەپ مالىمدەگەن.

7 مامىردا اپاتتى زەرتتەۋ جونىندەگى ۇكىمەت كوميسسياسى قۇرىلعانى حابارلاندى. ونىڭ قۇرامىنا "وزگيدروەنەرگو" مەكەمەسىنىڭ باسشىسى، سەناتور ابدۋگاني سانگينوۆ كىرگەن. سۋ قويماسى سانگينوۆتىڭ جەتەكشىلىگىمەن سالىنعان.

وزبەكستان ۇكىمەتى ساردوبا سۋ قويماسىنىڭ قۇرىلىسىنا 404,4 ملن دوللار بولگەن.

ەسكە سالايىق، 1 مامىردا تاڭەرتەڭ ساردوبا سۋ قويماسىنداعى بوگەت جارىلدى. سول ماڭداعى 70 مىڭعا جۋىق ادام كوشىرىلدى. توپان سۋ كورشى قازاقستان اۋماعىنا ءوتىپ، تۇركىستان وبلىسىنداعى بىرنەشە اۋىلدى سۋ باستى.

Abai.kz

1 پىكىر