- ءوز ازاماتتارىمىزدى الىپ كەتۋگە اۆتوبۋس ازىرلەپ جاتىرمىز. قازاقستاننىڭ وزبەكستانداعى ەلشىلىگى دە وزبەكستانعا جەتكىزەتىن كولىك بولەتىن بولدى، – دەدى ناسريەۆ.

باس كونسۋلدىڭ سوزىنشە، وزبەكستان ۇكىمەتى قازاقستان، رەسەي ۇكىمەتتەرىمەن كەلىسسوز جاساپ، وزبەكستان ازاماتتارىن شەكارادان وتكىزىپ الۋعا ۋاعدالاسقان.

"كەلىسسوز وڭاي بولمادى. بىراق بۇل - ەرتەڭ وزگەلەر دە وسىلاي وتە بەرەدى دەگەن ءسوز ەمەس. وزبەكستان ازاماتتارى تۇراقتى تىركەلگەن جەرلەرىنەن قوزعالماي تۇرا تۇرعانى دۇرىس. كەزەگى كەلگەندە چارتەر رەيستەرگە تىركەلىپ، وزبەكستانعا كەلۋگە بولادى. كوروناۆيرۋس ىندەتى اياقتالعان سوڭ ءبارى دە وتانىمىزعا ەمىن-ەركىن ورالا الادى", – دەدى وزبەكستاننىڭ تاتارستانداعى باس كونسۋلى فاريددين ناسريەۆ.

وتكەن اپتادا وزبەكستاننىڭ جۇزدەگەن ەڭبەك ميگرانتى رەسەيدىڭ ورىنبور وبلىسىنىڭ قازاقستانمەن شەكاراسىنداعى باقىلاۋ-وتكىزۋ پۋنكتىنە جينالىپ قالعان. ولار وزبەكستانعا ءوتىپ كەتۋ ءۇشىن قازاقستاننان ترانزيت ءدالىز اشۋدى سۇراعان ەدى. كەيبىرىنىڭ قازاقستان - رەسەي شەكاراسىندا جاتقانىنا ون كۇننەن اسقان.

ازاتتىق راديوسىنىڭ وزبەك رەداكتسياسى ميگرانتتار قازاقستان - رەسەي شەكاراسىنىڭ وزگە باقىلاۋ-وتكىزۋ پۋنكتتەرىنە دە جينالا باستاعانىن حابارلادى. رەسەيدىڭ ءتۇرلى وڭىرىنە جۇمىس ىزدەپ بارعان وزبەكستان ازاماتتارى كوروناۆيرۋسكە بايلانىستى كارانتين شارالارىنان كەيىن كۇنكورىسسىز قالىپ، وزبەكستانعا ورالا باستاعان.

Abai.kz