سەنبى, 6 ماۋسىم 2020
COVID-19 قازاقستاندا. جۇقتىرعاندار — 12511. جازىلعاندار — 6903. قايتىس بولعاندار — 52
436 0 پىكىر 18 مامىر, 2020 ساعات 10:18

اۋعانستاندا اشراف گاني مەن ابدۋللا ابدۋللا بيلىكتى ءبولىسۋ تۋرالى كەلىسىمگە وتىردى

اۋعانستان پرەزيدەنتى اشراف گاني مەن ونىڭ ساياسي باقتالاسى ابدۋللا ابدۋللا 17 مامىردا بيلىكتى ءبولىسۋ تۋرالى كەلىسىمگە وتىردى. بۇل تۋرالى پرەزيدەنت وكىلى سەديك سەديككي تۆيتتەردە جازدى.

اۋعانستان پرەزيدەنتى اشراف گاني مەن ونىڭ ساياسي باقتالاسى ابدۋللا ابدۋللا بيلىكتى ءبولىسۋ تۋرالى كەلىسىمگە وتىرعان.

سەديككيدىڭ حابارلاۋىنشا، ابدۋللا ۇلتتىق كەلىسىم جونىندەگى جوعارى كەڭەستى باسقارادى. ونىڭ كومانداسىنىڭ مۇشەلەرى ۇكىمەتكە كىرەدى.

ساياسي داعدارىس كەلىسىممەن اياقتالدى. ەندى تالىپتەرمەن 18 جىلعا سوزىلعان سوعىستى بەيبىت جولمەن شەشۋگە بولادى.

2014 جىلدان بەرى اۋعانستان پرەمەر-ءمينيسترى قىزمەتىن اتقارعان ابدۋللا وتكەن جىلى كۇزدەگى پرەزيدەنت سايلاۋىنىڭ رەسمي ناتيجەسىنە كەلىسپەي، ءوزىن پرەزيدەنت رەتىندە جاريالاعان، بىراق حالىقارالىق قاۋىمداستىق گانيدىڭ جەڭىسىن مويىنداعان.

ۇكىمەت قۇرامىن جاساقتاۋعا قاتىستى كەلىسپەۋشىلىكتەر 10 ناۋرىزدا تالىپتەرمەن بەيبىت كەلىسىمدى باستاۋعا كەدەرگى بولدى. "تاليبان" قوزعالىسى مەن اقش بەيبىت كەلىسىمگە بيىل اقپان ايىندا قول قويعان.

Abai.kz

0 پىكىر