بەيسەنبى, 2 ءساۋىر 2020
COVID-19 قازاقستاندا. جۇقتىرعاندار — 402. جازىلعاندار — 27. قايتىس بولعاندار — 3
جاڭالىقتار 1321 0 پىكىر 1 قاراشا, 2011 ساعات 07:55

تاريحقا ءمان بەرمەي، ونى زەرتتەۋ ىسىنە كوڭىل اۋدارماي، عىلىمعا دەن قويماي، ءىسىمىز تەرەڭ بولمايدى

اباي تاسبولاتوۆ، رەسپۋبليكالىق ۇلاننىڭ قولباسشىسى، گەنەرال-لەيتەنانت:

«الاش ايناسى» گازەتi مەن قازاق راديوسىنىڭ بiرلەسكەن جوباسى

 

«ايتوبەل» حابارىنىڭ جازباشا نۇسقاسى

اۆتورى: ەدiل انىقباي

حاباردىڭ تiكەلەي تولقىنداعى ۋاقىتى: 101 عم، سارسەنبى كۇنى ساعات 14:05-15:00

اباي تاسبولاتوۆ، رەسپۋبليكالىق ۇلاننىڭ قولباسشىسى، گەنەرال-لەيتەنانت:

«الاش ايناسى» گازەتi مەن قازاق راديوسىنىڭ بiرلەسكەن جوباسى

 

«ايتوبەل» حابارىنىڭ جازباشا نۇسقاسى

اۆتورى: ەدiل انىقباي

حاباردىڭ تiكەلەي تولقىنداعى ۋاقىتى: 101 عم، سارسەنبى كۇنى ساعات 14:05-15:00

– كوپشىلىك قاۋىم ءسىزدىڭ ءومىربايانىڭىزدى، وسكەن ورتاڭىزدى، بالالىق شاعىڭىزدى بىلۋگە قىزىعادى دەگەن ويدامىن...

– ادەيىلەپ كەلىپ، ارنايى العان سۇحبا­تىڭىز ءۇشىن راقمەتىمدى ايتامىن. ءبىز سولدات­پىز عوي. مەن سولتۇستىك قازاقستان وبلىسى  قازىرگى ەسىل اۋدانىندا نيكولاەۆكا دەگەن (قازاقشى اتاۋى – كوبەش) اۋىلدا 1951 جىلى دۇنيەگە كەلدىم. 1959 جىلى سول اۋىلداعى ورىس سىنىبىنا مەكتەپكە بار­دىم. قازاق سىنىپتارى دا بولدى. ال مەن ورىس مەكتەبىن ءبىتىردىم. 1969 جىلى تاشكەنت قالاسىنداعى لەنين اتىنداعى جالپى اسكە­ري كوماندالىق ۋچيليششەگە بارىپ ەمتيحان تاپسىردىم. سولتۇستىك قازاقستاننان بارلى­عى 14 بالا بارعان ەدىك، سونىڭ ءتور­تەۋى عانا وقۋعا تۇستىك. مەن اجەمنىڭ قولىندا وسكەن بالامىن. ول كىسى 1972 جىلى ومىردەن ءوتتى. سول جارىقتىق اجەمىز قانشا ەركەلەتسە دە، ءبىزدى ادامدىققا تاربيەلەدى. اجەمە مىڭ دا ءبىر راقمەت!

– اسكەري قىزمەتكەر بولسام دەگەن ارمانىڭىز سول بالا كۇنىڭىزدەن باستاۋ الدى ما؟

– ءيا، 2-سىنىپتا وقىپ جۇرگەندە-اق اسكەري قىزمەتكەر بولۋدى ارمانداي­تىن­مىن. بىراق ول ءۇشىن نەندەي دايىندىق كەرەك، قول جەتكىزۋدىڭ قانداي جولدارى بار ەكەنىن تۇسىنبەيتىن ەدىك. ايتەۋىر اسكەري تاقىرىپتاعى كىتاپتار مەن جۋرنالداردى، اسىرەسە «قىزىل جۇلدىز» جۋرنالىن تاۋىپ الىپ وقيتىن ەدىم. سوسىن دەنەشىنىقتىرۋ ساباعىندا ءوزىمدى دايىندايتىنمىن. ۆوەنكوماتقا بارىپ انىقتاپ سۇراپ، ارمان ەتكەن وقۋىما ءتۇستىم. تاشكەنتتەگى وقۋىمنىڭ ءبىر جىلى اياقتالعاندا الماتىدا جوعارى كوماندالىق اسكەري ۋچيليششە اشىلدى. ىشىندە باقىتجان ەرتاەۆ بار ءبىر روتانى الماتىعا اۋىستىردى. وسىلايشا وقۋىمىز­دى الماتىدا بىتىردىك. سودان ۆزۆود كومان­ديرى قىزمەتىندە ءجۇرىپ، مەرزىمىنەن بۇرىن اعا لەيتەنانت شەنىن الدىم. ول كەزدە ماسكەۋدەن باقىلاپ وتىرادى. ودان سوڭ روتا كومانديرى بولىپ بەس جىل قىزمەت ىستەدىم. مەن باسقارعان روتا ۇزدىكتەر قاتا­رى­نان كورىنىپ، تاعى دا شۇعىل كاپيتان شەنىن يەلەندىم. اسكەري مەدال، ماراپات­تار دا كەلدى. ماسكەۋ اكادەمياسىنا وقۋعا ءتۇستىم. ول جەردە ءۇش جىل وقىدىم. بىتىرەتىن جىلى الماتى قالاسىنداعى جوعارى كوماندالىق اسكەري ۋچيليششەنىڭ باستىعى نەكراسوۆ اسكەري ءادىس-تاسىلدەن ءدارىس بەرۋگە ارنايى ۇسىنىسپەن شاقىردى. ءدارىس وقى­دىم، اعا وقىتۋشى بولدىم. جەتى جىل­داي سول جەردە باتالون كومانديرلەرىنىڭ اراسىندا جالعىز قازاق مەن ەدىم، جوعارعى توپتاردى باسقارۋعا مەنى جىبەرە قويمادى. بىراق باسقارعان باتالونىم جاقسى جاعى­نان كورىنىپ، 1987 جىلى م.گورباچەۆتىڭ تۇسىندا «وتانعا قىزمەتى ءۇشىن» دەگەن قارۋلى كۇشتەردىڭ III دارەجەلى قولاقپانداي مەدالىن كەۋدەمە تاقتى. سول ۋچيليششە بو­يىن­شا مەدالدى جالعىز مەن العان ەكەن­مىن. وسى جىلدارى عىلىمي-زەرتتەۋ جۇمىس­تارىمەن اينالىسۋدى ويعا الىپ ءجۇر ەدىم. ماسكەۋگە بارىپ عىلىمي ىزدەنۋشى بولىپ تىركەلەرمىن دەپ تە ويلادىم. مەنىڭ زەرت­تەگەن باعىتىم – 2000 جىلدارى قازاق، قىرعىز، باسقا دا مۇسىلمان حالىقتارى ساربازدارىنىڭ سانى ساناق بويىنشا 65%-عا جەتىپ تۇر ەكەن. ال قازاق، قىرعىز، جالپى، مۇسىلمان وفيتسەرلەرى از. مەن وسى جاعىن زەرتتەدىم. مەكتەپتىڭ، جوعارى اسكەري وقۋ ورىندارىنىڭ اسكەري باعدارلامالارىنا ءپان رەتىندە ەنگىزۋ كەرەكتىگىن ەسكەردىم. ولار­عا وفيتسەرلەر كەرەك، ايتپەسە جاۋىن­گەر­لىك دايىندىق جونىمەن بولمايدى. زەرتتەۋ جۇمىسىمنىڭ تاقىرىبى «كەڭەس اسكەرىنىڭ جانە تمد ەلدەرى حالىقتارىنىڭ ۇلتتىق ماسەلەلەرى» دەپ اتالاتىن ەدى. بۇل 1987-1988 جىلدارى ەدى. سوندا ماسكەۋدە­گىلەردىڭ ماعان ايتقانى: «ول ماسەلەنىڭ ءبارى سوناۋ 1917 جىلى شەشىلىپ قويعان. ەلىڭە قايت». ەلگە كەلدىم. مارقۇم، اكادەميك ماناش قوزىباەۆ جەتەكشىلىك ەتتى، 1987 جىلى عىلىمي جۇمىسىمدى قورعادىم. وسىلايشا اسكەري جول جانە زەرتتەۋ، ءبىلىم جاعىنا دا ارالاسىپ جۇرگەن جايىمىز بار. اللا تاعالاعا شۇكىرلىك ەتەمىن. نەگە دەسەڭىز، بۇل ومىردە جاي عانا قولباسشى بولىپ ءجۇ­رىپ، تاريح جاعىنا ءمان بەرمەي، ونى زەرتتەۋ ىسىنە كوڭىل اۋدارماي، عىلىمعا دەن قويماي، ءىسىمىز تەرەڭ بولمايدى.

– ءسىز كەڭەس وكىمەتى كەزىندە بۇرىنعى قۇرىلىم بويىنشا اسكەردە بولدىڭىز، سول ۋاقىتتا قىزمەت جولىن باستادىڭىز. 1991 جىلى ەلىمىز تاۋەلسىزدىك الدى. وسى ەكى ورتادا ايىرماشىلىقتار، قيىندىقتار، قايشىلىقتار بولدى ما؟

– الدەقانداي قيىنشىلىقتار بولدى. تاۋەلسىزدىك العانعا دەيىن دە جەتى جىلداي باتالون كومانديرى بولدىم. العا قاراي جۇرگىزبەگەن كەزەڭدەر دە بولدى. تاۋەلسىزدىك العاننان كەيىن، 1992 جىلى كادۋىل­گى ساپتا تۇرعان پولكوۆنيك ەدىم. 1991 جىلدىڭ قازان ايىنان 1992 جىلدىڭ مامىرىنا دەيىن مەملەكەتتىك قورعانىس كوميتەتى ءبولىمىن ساعادات قوجاحمەتۇلى نۇرماعامبەتوۆ باسقاردى. ونىڭ الدىندا ءبىزدى مەملەكەتتىك قورعانىس كوميتەتى دەپ اتايتىن. سونىڭ ىشىندە مەن ءبولىم باستىعى بولدىم. ءبارى دە تاۋەلسىزدىكتىڭ ارقاسىندا عوي، شىركىن! مەنى بىردە ساعادات قوجاحمە­تۇلى شاقىرىپ الىپ: «سەن ەندى ديۆيزيانى باسقاراسىڭ، ۋاقىت كەلدى، قىرىقتاسىڭدار»، − دەدى. سون­دا «باسقارا الامىز با؟» دەگەن وي دا بولدى. ويتكەنى بۇرىن ءبىر عانا باعىتتا ەدى. ەندى زەڭبىرەكشىلەر، ساپەرلەر، تىلدا جۇمىس ىستەيتىندەر ت.س.س. اسكەر تۇرلەرى كەرەك بولدى. 1992 جىلدان باستاپ بارلىعى 11 ماماندىق دايىنداي باستادىق. وعان قوسا، كۋرسانتتار مەن سولداتتارعا تاماق بەرۋ كە­رەك، كيىم-كەشەگى تاعى بار. قۇرىلىس ماتەر­يال­دارىن تابۋ دا قيىن. ول كەز قيىن بول­دى. بار كۇش-جىگەرىمىزدى سالىپ، سول ىستەردى ابىرويمەن اتقارا الدىق دەپ ويلايمىن.

– قيىندىقتاردان شىعۋعا مۇرىندىق بولعان تۇلعالار تۋرالى نە ايتاسىز؟

– ارينە، ءبىر ءوزىڭ ءجۇرىپ ءىس بىتىرە الماي­سىڭ. ەلباسىمىز نۇرسۇلتان نازارباەۆتىڭ قامقورلىعىنىڭ ارقاسىندا تالاي ءىستىڭ باسى قايىرىلدى. وقۋ-جاتتىعۋ ىستەرى وتار­دا، اياگوزدە، مەيلى سارىوزەكتە بولسا دا، ءاردايىم قاتىسىپ، كورىپ، بىزدەن ەمتيحان الاتىن جانە كومەگى دە بولدى. ول كەزدەردە اسكەر گەنەرالى ساعادات نۇرماعامبەتوۆ، بەرتىن كەلە قورعانىس ءمينيسترى مۇحتار التىنباەۆ بولدى. تاۋەلسىزدىك العان تۇستان باستاپ قازاقستاننىڭ ءار ايماعىنان قازاق وفيتسەرلەرى كەلە باستادى. الماتىداعى ۋچيليششەدە وعان دەيىن بار-جوعى ءۇش-اق وفيتسەر بولدىق. بىرتە-بىرتە قاتارىمىز كوبەيدى. قازىرگى كۇنى نەگە ءبىزدىڭ قارۋلى كۇشتەرىمىز مىقتى؟ سەبەبى ءبىزدىڭ قازاق ازاماتتارىنىڭ رۋحىنىڭ مىقتىلىعىمەن كۇشتى. اسكەري شەرۋلەر وتكىزۋ بارىسىندا ەل-جۇرت ىشتەي وسىعان كەتكەن مەملەكەتتىك شىعىندى ەسەپتەپ، ءارتۇرلى اڭگىمەگە تىزگىن بەرەدى. ەگەر ويلانساڭىز، وسى شەرۋ دەگەنى­مىز­دىڭ ءوزى – پاتريوتتىق تاربيەلەۋدىڭ ءبىر جولى. ول شەرۋدى دايىنداۋ وڭاي شارۋا ەمەس. نە دەسەك تە، باسقا حالىقتاردان دەڭ­گەيى كەم ەمەس.

– ءوزىڭىز باسقارىپ وتىرعان رەسپۋبليكالىق ۇلاننىڭ نەگىزگى مىندەتتەرىنە توقتالىپ وتسەڭىز.

– رەسپۋبليكالىق ۇلان 1992 جىلى 16 ناۋرىزدا قۇرىلدى. بيىل قۇرىلعانىنا – 19 جىل، الدىمىزدا 20 – جىلدىعى. بۇل ۇجىم اسكەري جاۋاپكەرشىلىگى ۇلكەن مىندەت­تەردىڭ جۇگىن كوتەرىپ كەلەدى. الدىنا قويىل­عان ماقسات تا زور. ەلباسىنىڭ تاپسىر­ما­سىمەن جوعارى لاۋازىمدى ازاماتتاردىڭ قاۋىپسىزدىگىن قورعاۋ، ءداستۇرلى شارالارعا قاتىسۋ، اسا ماڭىزدى مەملەكەتتىك نىسان­داردى، مەملەكەتتىك تۋ مەن مەملەكەتتىك ەلتاڭبا سىندى نىشانداردى كۇزەتۋ ءتارىزدى مىندەتتەر جۇكتەلگەن. اسكەري جانە توتەنشە جاعداي رەجيمى كەزىندە رەسپۋبليكالىق ۇلان قازاقستان زاڭدارىنا ساي، ەل قورعاۋعا قاتىسادى. باعدارلاماعا سايكەس، وقۋ-جات­تىعۋلار قىسى-جازى ۇزدىكسىز جۇرگىزىلەدى.

– ۇلاننىڭ قۇرىلىمىنىڭ تاريحپەن ساباقتاستىعى، كورشى ەلدىڭ اسكەري جۇيەلەرىمەن سايكەستىگى بار ما؟

– ۇلاننىڭ قۇرىلۋىن تاريحپەن ساباق­تاستىرىپ تا قاراۋعا بولادى، ارينە. الەم­دە مونارحتى مەملەكەتتىك ەلدەردە ءرامىز­دەر­دى كۇزەتەتىن ارناۋلى جاساقتارى بولعان. جاساق اسكەردىڭ ەرەكشە ءتۇرى دەگەندى ءبىلدى­رەدى. ونداي جاساقتار انتيكالىق داۋىرلەردە دە بولعان. مىسالى، پارسى ەلىندە اجالسىز­دار كورپۋسى بولدى. ال ريمدە يمپەراتور اۆگۋست كەزىندە 9000 جاساق قىزمەت ەتكەن. ال XIX عاسىردا فرانتسيادا، يتاليادا جاق­سى جاراقتالعان، مىقتى ازىرلەنگەن سالتا­ناتتى كيىنگەن جاساقتار پايدا بولعان. رەس­پۋ­بليكالىق ۇلان قۇرىلعان كەزدە رەسەيدىڭ پرەزيدەنت پولكىنىڭ تاجىريبەسىنە سۇيەندىك. ءالى كۇنگە دەيىن ءوزارا قارىم-قاتىناسىمىز بار. ولار بىزدەن تاجىريبە الادى، ءبىز ولاردان الامىز دەگەندەي. ءبىزدىڭ ەلدە اسكەري بورىشىن وتەۋ بىرجىلدىق مەرزىمگە وزگەردى، ال رەسەيگە ول جۇيە بىزدەن كەيىن كەلدى. ولاردىڭ اتتى ەسكادروندارى بار. بىزدە دە كەلەشەكتە ونداي مۇمكىنشىلىكتەر بولىپ قالا ما دەگەن سەنىم بار. بىلتىر ءوزىم ارنايى بارىپ سونى زەرتتەدىم. باسقا مەملەكەتتەرگە قاراعاندا ەلباسىمىزدىڭ ارقاسىندا ءبىزدىڭ ۇلاننىڭ قۇرامى تاماشا دەپ ويلايمىن. نەگە دەسەڭىز، رەسەيدىڭ ءوزىن­دە پولكى بار، وركەسترى جوق. ءبىزدىڭ پرەزيدەنت وركەسترىنىڭ ىشىندە اسپاپتىق، ەسترادالىق توپتار بار. ءوزىمىزدىڭ بي توپتارىمىز بار. ارناۋلى حالىقارالىق قابىلداۋلار بول­عان­دا كونتسەرت تە بولۋى كەرەك. بىزدە وسى جاعى جاقسى جولعا قويىلعان. كەرەمەتتەي ارتىستەرىمىز بار. ماسەلەن، بەكبولات تىلەۋ­حان، ايمان مۇساحودجاەۆا، نۇرلان ونەر­باەۆ ت.س.س. قازىرگى ۋاقىتتا جانات باقتاي، جانات شىبىقپاي، كلارا تولەنباەۆا، ار­داق بالاجانوۆا ءتارىزدى تالانتتارىمىزدىڭ ەسىمىن اتاي الامىز.

– رەسپۋبليكالىق ۇلاننىڭ قۇرامىنا كىرۋ ءۇشىن ساربازدارعا قانداي تالاپتار قويىلادى؟

– قارۋلى كۇشتەردىڭ ىشىندە ەڭ بيىك ساپتا تۇراتىن – ءبىزدىڭ ۇلاندىقتار. ەڭبەكتى جۇزەگە اسىرۋ وڭاي شارۋا ەمەس. بىزگە مىقتى ساربازدار قاجەت. ونى اسكەري كوميسساريات­تاردان ءبىر اي بۇرىن ىرىكتەپ الامىز. تەك بويىنا عانا قارامايمىز، سونداي-اق ونىڭ ىشكى سەزىمى، تۇيسىگىنە دە ءمان بەرەمىز. پاتريوتتىق سەزىمى بيىك جانە دەنساۋلىعى مىقتى بولۋى شارت. سپورتقا بەيىم بولۋى كەرەك. ونى پسيحولوگيالىق تەكسەرىستەردەن وتكىزەدى. سوسىن ۇلتتىق قاۋىپسىزدىك كوميتەتى ارناۋلى تەكسەرىستەن وتكىزەدى. سونداي سىن­داردان وتكەن ساربازداردى عانا قابىل­داي­دى.

– ۇلاننىڭ ىشكى كادر-مامان ماسەلەسى تۋرالى نە ايتاسىز؟

– كادر ماسەلەسىنەن بىزدە قيىنشىلىق جوق. ارنايى كەلىسىمشارتپەن جۇمىس ىستەي­تىن وفيتسەرلەر بار. ال قاجەتتىلىك تۋىندا­عان­دا الدىن الا تەكسەرىستەردەن وتكىزىپ، ىرىكتەپ الامىز. ەڭ باستى تالاپ – پاتريوتتىق سەزىمىنىڭ بيىك بولۋى. وتانىن سۇيگەندەر قىزمەتىنە جاۋاپتى بولادى.

– پاتريوتتىق سەزىمدەرىن وياتۋ ءۇشىن قانداي ءادىس-تاسىلدەر قولداناسىزدار؟

– بۇل دا – باستى ماسەلە. وكىنىشكە قاراي، ءبارى بىردەن پاتريوت بولىپ كەلە قويمايدى. رەسپۋبليكالىق ۇلاندا بارلىق پارمەندەر تەك قازاق تىلىندە جۇرەدى. ونىڭ ءبارى وڭايلىقپەن بولا قالعان جوق. ارامىز­داعى ورىستىلدىلەرگە قازاق تىلىنەن ساباقتار جۇرگىزىپ جاتىرمىز. اپتاسىنا ءۇش رەت، توپ-توپقا ءبولىنىپ وقيدى. شالا جانە ورتاشا بىلەتىندەرگە ءتىل جاعىنان وسىلايشا ارناۋ­لى ساباق جۇرگىزىلەدى. تاريحسىز العا جۇرە المايتىنىمىز تاعى انىق. ءوز تاريحىڭدى، ءوز حالقىڭنىڭ وتكەنىن بىلمەگەندىگىڭ كەمشى­لىگىڭ. ساق، عۇن داۋىرىنە بارماي-اق، ودان كەيىنگى جوڭعار شاپقىنشىلىعى كەزەڭدەرىن ەسكە الساق، قازاقتىڭ قانداي-قانداي باتىر­لارى بولدى؟ ول كەزدەگى بيلەر قانداي ەدى؟ قۇرىلىم قانداي بولدى؟ حان قانداي ساياساتپەن ەل باسقاردى؟! كۇيشىلەرىمىز كىمدەر؟ جىرشى، جىراۋلارىمىز كىم؟! ودان كەيىن الاش ارىستارىنا كەلەمىز. كىم اتىلدى؟ نە ءۇشىن اتىلدى؟! اتالارىمىز، بابالارىمىز نەگە قىرشىنداي كەتتى؟! ساكە­نىمىز، ماعجانىمىز، ءاليحانىمىز بول­سىن. اپىرماي، ولاردىڭ ەسىمدەرىن، ەلگە جاساعان ەڭبەكتەرىن بىلمەسەك، كىم بولعانى­مىز؟! بوستاندىقتى اڭساپ جىلاپ كەتتى عوي سولار. قازىرگى ءبىز كورگەن بوستاندىق − سول باتىرلارىمىز بەن ارىستارىمىزدىڭ ارقا­لارىندا كەلگەن جەڭىس. ءبىزدىڭ سارباز­دارىمىزدىڭ قولىندا بەس-التى بەتتىك قازاق باتىرلارى جايىندا جازىلعان كورنەكى قۇرالدار بار. ءاربىر سارباز ەل ەگەمەندىگى جولىندا كۇرەسكەن باتىر بابالار ەسىمدەرىن ءبىلۋى قاجەت. تاريح كەزەڭدەرىنەن حاباردار بولۋى ماڭىزدى تالاپ. ءاربىر سارباز ءوز تۋعان ولكەسىنىڭ قاسيەتى مەن ەرەكشەلىگىن، جەرگىلىكتى ۇلت ماقتانىشتارىن بىلگەنى دۇ­رىس. قازىرگى تاڭدا مەملەكەتىمىزدىڭ جەر كو­لە­مى الەم بويىنشا 9-ورىندا تۇر. كەزىندە ابىلاي حان ومىردەن وتەرىنىڭ الدىندا: «مەن قالا سالا المادىم-اۋ!.. ءۇش ءجۇزدىڭ باسىن قوسا المادىم-اۋ!.. شەكارانىڭ قازىعىن قاعا المادىم-اۋ!.» − دەيتىن ءسوز­دەرى بار ەمەس پە؟! سول بابالارىمىز ورىنداي الماي كەتكەن ەل الدىنداعى بو­رىش­تى ءىستى ەلباسىمىز جونگە سالدى. قانشا جەردەن «مەن پاتريوتپىن!» دەپ بوس ايتا بەرگەننەن ول پاتريوت بولا المايدى. سول ءۇشىن ساربازدارعا تاجىريبەلىك، وق اتۋعا قاتىستى ساباقتار، مەيلى قايسى ءدارىستى باستاماس بۇرىن، ەڭ الدىمەن، ەكى-ءۇش مينۋت تاريح بەتتەرىنە كوز جۇگىرتكەن ابزال. باتىر­لاردى ءسوز ەتۋ ارقىلى جۇرەگىنە قۇيىپ، سانانى وياتۋعا بولادى.

– ۇلاننىڭ كورشىلەس ەلدەردىڭ ساربازدارىمەن تاجىريبە الماسۋى جانە دەڭگەيىن سالىستىرمالى تۇردە قالاي باعالاۋعا بولادى؟

– ءوزارا تاجىريبە الماسۋ جاعى رەسەيمەن جاقسى قالىپتاسقان. ماسكەۋ كرەملىنىڭ كومەندانتى، گەنەرال-لەيتەنانت سەرگەي حلەبنيكوۆ، پرەزيدەنت پولكىنىڭ گەنەرال-مايورى ولەگ گالكين دەگەن بار، مىنە، سولار­­مەن بايلانىسىمىز جاقسى، قىزىل الاڭدا ءۇش جىلدان بەرى ءوتىپ كەلە جاتقان اسكەري مۋزىكالىق فەستيۆال بار. ول فەستيۆالگە بارلىعى 15-16 مەملەكەتتەن قاتىسادى. مىنە، سول فەستيۆالدا ءبىز ەكى جىل قاتارىنان 1-ورىندى الدىق. بۇل جەر­دەگى ايتپاعىم، پرەزيدەنتتىڭ اسكەري وركەست­رىنىڭ دەڭگەيى وتە جوعارى. وعان كەلگەندە تالابىمىز قاتتى. رەپەرتۋارلارىن دا ۇنەمى جاڭارتىپ وتىرۋعا تىرىسامىز. ايماق­تاردان دارىندى ارتىستەردى دە شاقىرتىپ جاتامىز. تاجىكستان ەلىندە بىزدىكىندەي جاساعى بار، ولار دا تاجىريبە الماسۋعا كەلىپ تۇرادى. باستاپقى جىلدارى ءسات توقپاقباەۆ، بولات ىسقاقوۆ باسشى بولىپ جۇرگەنىندە ۇلاننىڭ قالىپتاسىپ، نىعايۋى­نا ۇلكەن ۇلەس قوستى.

– ساربازدارىڭىزدىڭ جەتىستىگىن اتاپ وتسەڭىز...

– بيىلعى وقۋ-جاتتىعۋ بويىنشا ارنا­يى قۇرىلعان كوميسسيا قورىتىندى جاساۋعا تاياۋ قالدى. سپورت  جاعىنان  ساربازدارىمىز  ماقتاۋعا تۇرارلىق. كىردىڭ تاسىن كوتەرۋ سايىسى بويىنشا الەمدىك جارىستا كۇمىس جۇلدەنى جومارت تىلەشوۆ اتتى ءبىزدىڭ ساربا­زىمىز اكەلدى. تەك ۇلاننىڭ عانا ەمەس، ەلى­مىز­دىڭ كوك بايراعىن كوتەرىپ جۇرگەن ماق­تانىشتارىمىز بارشىلىق. جاقىندا گانزا رۋسلان ەسىمدى ساربازىمىز كيكبوكسينگتەن قازاقستان چەمپيوناتىندا ەكىنشى ورىنعا يە بولدى. قاراعاندى قالاسىندا وتكەن قويان-قولتىق ۇرىستا بەرىك شىناروۆ التىن مەدال السا، ءانۋار مامبەتوۆ ەكىنشى ورىندى، عاني بەيسەۋوۆ ءۇشىنشى ورىندى يە­لەن­دى. ايتا بەرسەك، جەتىستىكتەرىمىز بارشى­لىق. الداعى ۋاقىتتا جاسايتىن تىرلىكتەر دە كوپ. ءوزىمىزدىڭ ۇجىمعا قىزمەتتەرىنىڭ تابىستى بولۋىن، ەلىمىزگە تاۋەلسىزدىگىمىزدىڭ باياندى بولۋىن تىلەيمىن.

– اباي اعا، قازاق راديوسىن تىڭدايسىز با؟

– تىڭداعاندا قانداي! ۋاقىتىم بولسا ەرتەدەن كەشكە دەيىن تىڭداۋعا بارمىن. اناۋ تاقتانى كوردىڭىز بە؟ سول تاقتاعا ساياسي، تاريحي، مادەني، ادەبي وزىمە تۇسىنىك­سىزدەۋ ءسوز ەستىسەم، جازىپ قويامىن. كىرگەن-شىققاندا قاراپ، جاتتاپ وتىرامىن.

– سوزدىك قورىڭىزدى مولايتۋعا قازاق راديوسىنىڭ ۇلەسى بار ەكەن عوي.

– ارينە، قۇدايعا شۇكىر دەيمىن. كەڭەس وكىمەتى كەزىندە وقۋىڭ ورىس، دوسىڭ ورىس دەگەندەي قيىن بولدى عوي. تاۋبە! قازاق راديوسىنا قاناعاتتا­نا­مىن. بيىل قازاق راديوسىنا – 90 جىل. ۇجىمدى مەرەكەسىمەن شىن جۇرەكتەن قۇتتىقتايمىن! قازاق راديو­سىنىڭ ارقا­سىن­دا مادەنيەتتى، تاريحتى، ادەبيەتتى، كۇيدى، ولەڭدەردى، ونىڭ ماعىنا­سىن بىلەمىز، قانداي تاماشا! پاتريوتتىق سەزىم، پاتريوت­تىق تاربيە قازاق راديوسىندا جاتىر.ۇلكەن-كىشى وسىنى ۇقسا ەكەن دەيمىن. قازاق­ستانىمىز جايناي بەرسىن!

– اڭگىمەڭىزگە راقمەت!

http://www.alashainasy.kz/person/28659/

0 پىكىر