كوروناۆيرۋس پاندەمياسى الەم جۇرتشىلىعىن ابىگەرگە سالۋدا. اتى جامان ۆيرۋستى الەمدە بىرنەشە ميلليون ادام جۇقتىرىپ العانى بەلگىلى بولدى. نەشە ءجۇز مىڭ ادام قايتىس بولىپ، ادامزات قوعامىنا ايتاقالسىن اۋىر زيانىن تيگىزدى. ال ەلىمىزدەگى جاعدايعا كەلسەك، قازىرگە دەيىن بىرنەشە مىڭ ادام ۆيرۋس جۇقتىرعانى انىقتالدى.

كوروناۆيرۋس جۇقىتىرعان العاشقى ادام انىقتالا سالىپ، ەلىمىزدە الدىن الۋ شارالارى شۇعىل قولعا الىندى. ۆيرۋسپەن كۇرەس بارىسىندا ناقتى شارالار ءالى جالعاسىپ جاتىر. مەملەكەت باسشىسى قاسىم-جومارت توقاەۆتىڭ باستاماسىمەن وتانداستارمىز ۆيرۋستى جەڭىپ شىعۋعا بەل شەشە كىرىسىپ كەتتى.

ءبارىمىز بىلەتىندەي، ەلىمىزدە 16 ناۋرىزدان باستاپ توتەنشە جاعداي جاريالانىپ، ەل اۋماعى كارانتينە جابىلدى. وسىعان بايلانىستى ەل اۋماعىندا ءجۇرىپ-تۇرۋ قيىنداپ، بىرقاتار ماسەلەلەر تۋىنداتقانى شىندىق.

كارانتين جاريالانۋىنا بايلانىستى ازاماتتاردىڭ ەل اۋماعىندا ءجۇرىپ-تۇرۋىنا شەكتەۋ قويىلدى. وسىعان بايلانىستى ولاردىڭ جول جۇرۋىنە ەرەجەلەرىنە وزگەرىستەر ەنگىزىلدى. ەندى وسى ماسەلە جايىندا تولىقىراق جازا كەتەيىك.

رەسمي اقپارات قۇرالدارىنا سۇيەنسەك، سولتۇستىك قازاقستان وبلىسىنىڭ كوشى-قون قىزمەتى بيىلعى جىلدىڭ باسىنان وتىز التى مىڭنان استام مەملەكەتتىك قىزمەت كورسەتكەن ەكەن.

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ حابارلاۋىنشا، ەلدە توتەنشە جاعدايدىڭ جاريالانۋىنا بايلانىستى حالىققا قىزمەت كورسەتۋ ورتالىقتارى مەن كوشى-قون قىزمەتى ورتالىعى ۋاقىتشا جابىلدى. سوندىقتان كوشى-قون جەلىسى جايلى مەملەكەتتىك قىزمەتتەر تەك «ەلەكتروندىق ۇكىمەت» پورتالى ارقىلى جۇزەگە اسىرىلادى.

جاۋاپتى قىزمەتكەرلەردىڭ زەرتتەۋىنشە، ەلىمىزجە ەڭ كوپ سۇرانىسقا يە قىزمەتتەردىڭ ءبىرى ازاماتتاردى تۇرعىلىقتى جەرى بويىنشا تىركەۋ نەمەسە تىركەۋدەن شىعارۋ بولىپ تابىلادى. بيىل جىل باسىنان بەرى اتالعان قىزمەتتى ون ەكى مىڭنان استام سولتۇستىكقازاقستاندىق ازامات العان ەكەن. بۇل دەگەنىڭىز كوشى-قون قىزمەتى سالاسىنداعى جالپى قىزمەت كورسەتۋدىڭ ۇشتەن ءبىرى. ەرەكشە ايتا كەتەرلىگى، بۇل قىزمەتتى 7,5 مىڭ حالىققا قىزمەت كورسەتۋ ورتالىقتارىنا بارماي-اق، ۇيدە وتىرىپ ونلاين-رەجيمىندە العان ەكەن. بۇل قىزمەتتەر ونلاين رەجيمدە «ەلەكتروندىق ۇكىمەت» پورتالى ارقىلى الىنعان.

«قازىرگى ۋاقىتتا بىرقاتار قىزمەت تۇرلەرىن ونلاين-رەجيمگە كوشىرۋ بويىنشا جۇمىستار اتقارىلۋدا. ازىرگە بۇل پروتسەسس اياقتالعان جوق. بۇدان بولەك، ادامداردى جاۋاپكەرشىلىك تۋرالى ماسەلە الاڭداتادى. كارانتين كەزەڭىندە تەحنيكالىق سەبەپتەرگە بايلانىستى قۇجاتتارىن رەسىمدەپ ۇلگەرمەگەندەر اكىمشىلىك جاۋاپقا تارتىلمايدى»، - دەيدى سقو پوليتسيا دەپارتامەنتى كوشى-قون قىزمەتى باسقارماسىنىڭ باستىعى تالعات ءابىلوۆ.

Abai.kz