قازاقستان جەل ەنەرگياسىنا 72 ميلليارد تەڭگە جۇمسايدى، - دەپ حابارلايدى LS سايتى. جاسىل نىسانداردىڭ جالپى قۋاتى 180 مۆت-تان اسادى.

اقمولا وبلىسىندا 2022 جىلعا دەيىن جالپى قۇنى 72 ميلليارد تەڭگەدەن اساتىن ءتورت جاسىل جوبا ىسكە قوسىلادى.

ونىڭ ءبىرىنشىسى ارشالى اۋدانىندا ورنالاسپاق. قۇنى 39 ملرد تەڭگە. قۋاتتىلىعى 100 مۆت-قا دەيىن جەتەدى. اكىمدىك مالىمەتىنشە، جەل ەلەكتر ستانساسىن ىسكە قوسۋدىڭ ەكىنشى كەزەڭى جوسپارلانۋدا.

سونىمەن قاتار، ەرەيمەنتاۋ اۋدانىندا جالپى قۋاتى 80 مۆت قۇرايتىن تاعى ەكى جەل ستانساسى ىسكە قوسىلماق. جاسىل جوبالاردىڭ ءبىرىن جۇزەگە اسىرۋ 26 ميلليارد تەڭگەگە باعالانادى. ونىڭ قۋاتى 50 مۆت قۇرايدى. ەكىنشى جەل ەلەكتر ستانتسياسىنىڭ قۇرىلىسىنا 5,6 ملرد.تەڭگە قاجەت. قۋاتى - 30 مۆت.

ودان بولەك، كوكشەتاۋدا 2 ميلليارد تەڭگەگە جاسىل جوبانى جۇزەگە اسىرۋ جوسپارلانۋدا. اقپاراتقا سايكەس، 7 مۆت جەتى جەل ەلەكتر ستانتسياسىن ورناتۋ جوسپارلانعان. جالپى، وڭىردە جاسىل نىسانداردىڭ ىسكە قوسىلۋىنا بايلانىستى 50-گە جۋىق جۇمىس ورنى اشىلماق.

ايتا كەتەيىك، بيىل ەلىمىزدە جالپى قۋاتتىلىعى شامامەن 700 مۆت بولاتىن 13 جاسىل ستانتسيا ىسكە قوسىلادى. اقپاراتقا سايكەس، قازىرگى ۋاقىتتا بۇل جوبالار قۇرىلىس-مونتاج جۇمىستارى نەمەسە جوبالاۋ ساتىسىندا تۇر. سونىمەن بىرگە، كوروناۆيرۋس ىندەتى دە جوبانىڭ جالپى دامۋىنا وزگەرىستەر ەنگىزگەن.

Abai.kz