دۇيسەنبى, 13 مامىر 2024
2265 0 پىكىر 13 ءساۋىر, 2020 ساعات 14:56

مينيستر نۇرىمبەتوۆ: 1 ميلليون 779 مىڭ ادام الەۋمەتتىك تولەم الدى

توتەنشە جاعداي كەزىندە كىرىسىن جوعالتقان 1 ميلليون 779 مىڭ ادامعا الەۋمەتتىك تولەم تاعايىندالىپ، ەسەپشوتتارىنا 75 ميلليارد 600 ميلليون تەڭگە اۋدارىلدى. بۇل اقپاراتتى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ بۇگىن وتكەن ارنايى بريفينگتە حابارلادى.

بريفينگتە توتەنشە جاعداي كەزىندە كىرىسىن جوعالتقان ازاماتتارعا 42 500 تەڭگە الەۋمەتتىك جاردەماقى تاعايىنداۋ شارتتارىن تاعى ءبىر رەت تۇسىندىرگەن ءبىرجان نۇرىمبەتوۆتىڭ سوزىنشە، وسى ۋاقىتقا دەيىن 4 ميلليون 900 مىڭ ءوتىنىش تۇسكەن، ونىڭ 3 ميلليون 703 مىڭى قارالعان.

مينيستر 42 500 تەڭگە الەۋمەتتىك تولەمنىڭ كەي جاعدايدا كەشىگىپ جاتقانىنا كەشىرىم سۇرادى. ونىڭ سوزىنشە، الەۋمەتتىك تولەممەن ءۇش مەكەمە اينالىسادى. 42500 تەڭگە بيۋدجەتتەن ەمەس، مەملەكەتتىك ساقتاندىرۋ قورىنان تولەنەدى، اقشانى ازاماتتاردىڭ ەسەپشوتتارىنا بۇرىنعى زەينەتاقى ورتالىعى - «ازاماتتار ءۇشىن ۇكىمەت» كورپوراتسياسى اۋدارادى جانە ءوتىنىشتى ەڭبەك جانە حالىقتى الەۋمەتىك قورعاۋ مينيسترلىگى قابىلدايدى.

- 60 مىڭنان استام ادام جەكە سايكەستەندىرۋ ءنومىرىن (جسن) دۇرىس كورسەتپەدى، 83 مىڭ ادام قاتە ەسەپشوت جبەردى، 500 مىڭ ادامنىڭ تۇراقتى جالاقى الىپ وتىرعانى بەلگىلى بولدى، ميلليوننان استام ادام سوڭعى ءبىر جىلدا بىردە ءبىر رەت الەۋمەتتىك تولەم اۋدارماعانى بەلگىلى بولدى، 378 ادامنىڭ كەيبىرى قايتىس بولعان، كەيبىرى قازاقستان ازاماتتىعىنان شىعىپ كەتكەن،- دەدى ءبىرجان نۇرىمبەتوۆ.

مينيستر ەڭبەك جانە حالىقتى الەۋمەتتىك قورعاۋ مينيسترلىگى بارلىق وتىنىشتەر اقپارات جۇيەلەرى ارقىلى تەكسەرىلەتىنىن، سوڭعى ءبىر كۇندە 901 مىڭ ادامعا الەۋمەتتىك تولەم تاعايىندالعانىن حابارلادى. ءمينيستردىڭ سوزىنشە، 42 500 تەڭگە العان ازاماتتار توتەنشە جاعداي ۇزارتىلۋىنا بايلانىستى تاعى دا 42 500 تەڭگە الادى، ول ءۇشىن قايتادان ءوتىنىش بەرۋ كەرەك ەمەس.

قازاقستان بيلىگى ناۋرىز ايىنىڭ سوڭىندا توتەنشە جاعداي كەزىندە تابىسىنان ايىرىلعان ازاماتتارعا 42 500 تەڭگە الەۋمەتتىك تولەم بەرۋ جونىندە شەشىم قابىلداعان. قازاقستاندا 16 ناۋرىزدا توتەنشە جاعداي جاريالانعان.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 1958
ادەبيەت

«سولاي ەمەس پە؟»

عابباس قابىشۇلى 2257
قوعام

دوس كوپ پە، دۇشپان كوپ پە؟

ءابدىراشيت باكىرۇلى 1857
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1549