پارلامەنت ماجىلىسىندە تالقىلانىپ جاتقان دەنساۋلىق كودەكسىندەگى قوعامدا قىزۋ پىكىرسايىس تۋدىرعان باپتاردىڭ ءبىرى - مىندەتتى ۆاكتسينالاۋعا قاتىستى ەكەندىگى ءمالىم.

كەيىنگى كەزدە بارشا ادامزاتقا ۇلكەن قايعى-قاسىرەت اكەلىپ، كۇللى الەمدى قاتتى ابىرجىتىپ وتىرعان كوروناۆيرۋس دەرتى مىندەتتى ۆاكتسينالاۋعا قارسىلاردىڭ كوزقاراسىن وزگەرتۋىن تالاپ ەتەتىن ءتارىزدى.

قازىر پاندەميادان ومىرمەن قوشتاسقاندار سانى مەديتسيناسى وزىق دامىعان ەۋروپانىڭ بىرقاتار ەلى مەن اقش-تا نەگە كوپ بولىپ وتىرعاندىعىن زەرتتەگەن عالىمدار بۇدان بۇرىن تۋبەركۋلەزگە قارسى مىندەتتى ۆاكتسينالاۋ جاپپاي جۇرگىزىلگەن پورتۋگاليا سياقتى كەيبىر مەملەكەتتەردە ادامداردىڭ ءولىم-ءجىتىمى الدەقايدا از ەكەندىگىن ايتىپ جاتىر. كوروناۆيرۋستىڭ وكپەگە شاباتىندىعىن ەسكەرسەك، ءبىر كەزدە تۋبەركۋلەزگە قارسى ەگىلگەن ۆاكتسينا بۇل دەرتكە دە ءبىرشاما توسقاۋىل قويعان ءتارىزدى.

وتكەن عاسىردىڭ ەلۋىنشى جىلدارىنىڭ ورتاسىنا دەيىن ەلىمىزدە ەمى تابىلماعان قىزىلشا دەرتىنىڭ بالالاردى قىناداي قىرعاندىعىن ەسكەرسەك، كوروناۆيرۋس حالقىمىز باسىنان كەشىرگەن سول زۇلماتتى ۇمىتپاۋىمىز قاجەت ەكەندىگىن ۇقتىرىپ تۇرعانداي-اۋ.

...ەگەر تاياۋ ارادا كوروناۆيرۋسقا قارسى ۆاكتسينا تابىلا قالسا، وسىعان دەيىن مىندەتتى ۆاكتسينالاۋعا قارسىلىق ءبىلدىرىپ جۇرگەن اعايىنداردىڭ ەشقايسىسى ونى وزدەرىنە دە، بالالارىنا دا ەكتىرۋدەن باس تارتا قويماس دەپ ويلايمىن. كوروناۆيرۋستىڭ ءبىر تاعىلىمى وسى بولار...

كارىباي مۇسىرماننىڭ الەۋمەتتىك جەلىدەگى جازباسى

Abai.kz