ەلدىڭ اقپارات جانە قوعامدىق دامۋ ءمينيسترى داۋرەن اباەۆتىڭ ايتۋىنشا، قوردان 1,8 تريلليون تەڭگە ء(تورت ميلليارد دوللارعا جۋىق) الىنادى. داعدارىسپەن كۇرەسۋ ءۇشىن ءتورت تريلليون تەڭگە بولىنەدى. قالعان 2,1 تريلليون تەڭگە بيۋدجەتتەن قارالادى.

وسىعان دەيىن ۇلتتىق قوردان قوسىمشا قاراجات الىنبايتىنى ايتىلعان.

قازاقستاندا قازىر التى ءىرى قالا كارانتينگە جابىلدى.

نۇر-سۇلتان مەن الماتى قالالارى 19 ناۋرىزدان بەرى جابىق. 30 ناۋرىزدان 5 ساۋىرگە دەيىن مەملەكەتتىك ورگاندار، ازىق-تۇلىك دۇكەندەرى، ءدارىحانالار جانە كوممۋنالدىق قىزمەتتەر عانا جۇمىس ىستەيدى، قالعاندارى جابىلادى. 28 ناۋرىزدان بەرى قوعامدىق ورىنداردا ءۇش ادامنان ارتىق جينالۋعا تىيىم سالىندى. قوعامدىق كولىكتەر قوزعالىسى دا سيرەيدى.

سوڭعى مالىمەتكە سايكەس، قازاقستاندا كوروناۆيرۋس جۇقتىرعانداردىڭ سانى 294-كە جەتتى. 20 ادام ايىقتى، ءبىر ايەل كوز جۇمدى.

Abai.kz