قازاقستاندىقتارعا ءبىلىم بەرۋ ينتەرنەت-رەسۋرستارىنا تەگىن كىرۋگە مۇمكىندىك بەرىلەدى

ءبىلىم بەرۋ سايتتارىن تەگىن پايدالانۋعا بولادى. ىنتىماقتاستىق تۋرالى ءتيىستى مەموراندۋمعا ءبىلىم جانە عىلىم ۆيتسە-ءمينيسترى رۇستەم بيعاري، تسيفرلىق دامۋ ۆيتسە-ءمينيسترى دارىن تۇياقوۆ، سونداي-اق «قازاقتەلەكوم» اق، «ترانستەلەكوم» اق، «كار-تەل» جشس، «كسەلل» اق، «موبايل تەلەكوم-سەرۆيس» جشس، «Astel» اق سياقتى بايلانىس وپەراتورلارىنىڭ باسشىلارى قول قويدى.

جاقىن ارادا اتالعان بايلانىس وپەراتورلارى كوللەدجدەر مەن جوو-عا قاشىقتان وقىتۋ كەزىندە پايدالانىلاتىن ءبىلىم بەرۋ رەسۋرستارىنا تەگىن كىرۋگە مۇمكىندىك بەرەتىن تاريفتىك جوسپارلار ازىرلەيدى (قازىرگى قولدانىستاعى تالاپتار وزگەرتىلەدى).

ياعني، بۇل سايتتاردى پايدالانعان كەزدە ابونەنتتەردىڭ ينتەرنەت-ترافيكتەرى (مەگابايتتارى) ەسەپتەلمەيدى. توتەنشە جاعدايدى جاريالاۋ كەزەڭىندە ءبىلىم بەرۋ مەكەمەلەرى (جوو مەن كوللەدجدەر) قاشىقتان وقىتۋعا كوشۋىنە بايلانىستى بۇل شارانىڭ ماڭىزى زور.

قازاقستاندىقتار قر ءبىلىم جانە عىلىم مينيسترلىگى ۇسىنعان ءبىلىم بەرۋ رەسۋرستارىنا ەركىن كىرە الادى. بۇل تىزبە مەن ينتەرنەت-رەسۋرستاردىڭ ءتىزىمى كەيىن ۇلعايتىلىپ وتىرادى.

اتالعان رەسۋرستارعا كىرۋ ءۇشىن پايدالانۋشىنىڭ شوتىندا بالانس بولۋى كەرەك. ءبىلىم بەرۋ رەسۋرستارىنا تەگىن قول جەتكىزۋ تۋرالى اقپارات بايلانىس وپەراتورلارىنىڭ سايتتارىندا ورنالاستىرىلادى.

تج رەجيمى كەزەڭىندە تەگىن پايدالانۋعا ۇسىنىلعان ءبىلىم بەرۋ ينتەرنەت-رەسۋرستارى:

1. ايس «SOVA.WS» - http://sova.ws
2. SMART community - http://smartedu.kz
3. SMARTNATION - http://snation.kz
4. College.Snation http://college.snation.kz
5. BilimLand https://bilimland.kz/ruايس
6. ءبىلىمال http://college.bilimal.kz/
7. Paragraph Bilim - http://base.blm.kz
8. Kundelik.kz - https://portal.kundelik.kz/
9. ايس «Platonus» - http://platonus.kz
10. BilimAl.kz https://www.bilimal.kz/
11. DALES - http://college.ektu.kz
12. Mektep.edu.kz - https://mektep.edu.kz
13. I-mektep.kz - https://i-mektep.kz/
14. Daryn.Online https://daryn.online/
15. ايس "CollegeSmart Nation -https://college.snation.kz/
16. ايس سيريۋس http://somniumllp.com/project-sirius/
17. ايس ۋنيۆەر https://univer.kstu.kz/
18. يس دەكانات https://www.mmis.ru
19. يس پگۋ http://psu.kz/
20. ەلەكتروننىي رەكتورات http://nkzu.kz
21. EUniver http://euniver.vkgu.kz/
22. يس ۆكگتۋ https://www.ektu.kz/
23. مۋيت https://www.iitu.kz/
24. Uninet http://uninet.kz/

اتاپ وتەيىك، تىزىمدەگى ينتەرنەت-رەسۋرستاردىڭ قاتارى بولاشاقتا تولىقتىرىلادى.

قر بعم ءباسپاسوز قىزمەتى

Abai.kz