سەيسەنبى, 2 ماۋسىم 2020
COVID-19 قازاقستاندا. جۇقتىرعاندار — 11308. جازىلعاندار — 5587. قايتىس بولعاندار — 41
623 1 پىكىر 27 اقپان, 2020 ساعات 12:55

قازاقستان 1 ناۋرىزدان باستاپ يرانمەن اۋە قاتىناسىن توقتاتادى

قازاقستان 1 ناۋرىزدان باستاپ يرانمەن اۋە قاتىناستى توقتاتىپ، وڭتۇستىك كورەياعا رەيستەر سانىن شەكتەيدى. سەبەبى، اتالعان ەلدەردە كوروناۆيرۋس كەڭ تاراپ جاتىر دەپ مالىمدەدى باس سانيتارلىق دارىگەر جانداربەك بەكشين 26 اقپاندا نۇر-سۇلتاندا وتكىزگەن ءباسپاسوز ءماسليحاتى كەزىندە.

بەكشيننىڭ سوزدەرىنشە، وڭتۇستىك كورەياعا رەيستەر سانى اپتاسىنا توعىزدان ۇشكە دەيىن قىسقارادى. "1 ناۋرىزعا دەيىن ازاماتتارعا ەلگە قايتۋعا مۇمكىندىك بەرەمىز", - دەدى ول.

"يرانمەن جاعداي جەڭىل. وندا شامامەن 170 ازاماتىمىز بار. ولار دا 1 ناۋرىزعا دەيىن قايتۋى ءتيىس. تۇركيا، پاكىستان، اۋعانستان، ومان سەكىلدى ەلدەر قازىر يرانمەن اۋە قاتىناسىن ءۇزدى", - دەدى باس دارىگەر.

اقپان ايىنىڭ باسىندا قازاقستان قىتايمەن شەكارانى جاۋىپ، اۋە رەيستەرىن توقتاتتى.

جانداربەك بەكشيننىڭ ايتۋىنشا، قازاقستاندا كوروناۆيرۋس ىندەتىن جۇقتىرعاندار تىركەلگەن جوق.

كوروناۆيرۋس ىندەتى الەمنىڭ 30 ەلىنە تارادى. ۆيرۋستى جۇقتىرىپ جاتقانداردىڭ دەنى قىتايدا. دۇنيەجۇزىلىك دەنساۋلىق ساقتاۋ ۇيىمى الەم ازرگە بۇل ىندەتپەن قارسى كۇرەسۋگە دايىن ەمەس دەپ مالىمدەدى.

Abai.kz

1 پىكىر