22-اقپان كۇنى نۇر-سۇلتان قالاسىندا اقتوبە وبلىسىنىڭ باس يمامى تولەبي وسپان قازاقستان مۇسىلماندارى ءدىني باسقارماسىنىڭ باسشىسى ناۋرىزباي قاجى تاعانۇلىنىڭ قابىلداۋىندا بولدى. 

تولەبي ءدادىلۇلى باس مۇفتيگە اقتوبە وڭىرىندەگى ءدىني جاعاي جونىندە بايانداپ، ءوڭىر يمامدارىنىڭ اتقارىپ جاتقان جۇمىستارى تۋرالى ەسەپ بەردى. تولەبي مىرزانىڭ ايتۋىنشا، وڭىردە ءدىن قىزمەتكەرلەرىنىڭ ءبىلىمىن جەتىلدىرۋ بويىنشا  كۋرستار ۇيىمداستىرىلعان كورىنەدى.

-«جەتى رۋحاني قازىق» جوباسى حالىققا جۇيەلى تۇردە ناسيحاتتالۋدا. وڭىردەگى ءدىن قىزمەتكەرلەرىنىڭ ءبىلىمىن جەتىلدىرۋ ماقساتىندا وقىتۋ كۋرستارى تۇراقتى تۇردە ۇيىمداستىرىلىپ كەلەدى. بيىل، ەرىكتىلەر جىلى اياسىندا جۇرتشىلىقتى قايىرىمدىلىق شارالارىنا جۇمىلدىرىپ كەلەمىز,- دەدى اقتوبە وبلىسىنىڭ باس يمامى.

تولەبي ءدادىلۇلىنىڭ ەسەبىن تىڭداعان باس ءمۇفتي يمامداردىڭ ەل يگىلىگى ءۇشىن قىزمەت ەتۋلەرى كەرەكتىگىن ايتتى. جانە، ولار جۇرگىزەتىن ۋاعىز-ناسيحات حالىقتىڭ تالعامىنا سايكەس بولۋ قاجەتتىگىن ەسكەرتتى.

-جەرگىلىكتى يمامدار اراسىنان ۇستازدار مەن عالىمداردى شىعارىپ، ەل اراسىنا ءتۇسىندىرۋ جۇمىستارىن جۇرگىزۋ كەرەك. جانە، يمامدار ايتاتىن ۋاعىز-ناسيحات حالىقتىڭ تانىمى مەن تالعامىنا سيكەس جۇرگىزىلۋ كەرەك.وسى ماسەلەگە كوپ كوڭىل بولىڭىزدەر. يمامدارىمىز ەل يگىلىگى ءۇشىن قىزمەت ەتۋدە بەلسەندى بولۋ قاجەت،-دەدى باس ءمۇفتي.

سونداي-اق، كەزدەسۋ بارىسىندا اقتوبە وبلىسىنىڭ باس يمامى وڭىردە ءتۇسىندىرۋ شارالارىن جانداندىرۋ ءۇشىن رەسپۋبليكالىق اقپاراتتىق-ناسيحات توبىنىڭ بەلدى مۇشەلەرىن ايماققا جىبەرۋ تۋرالى ءوتىنىش-تىلەگىن ايتتى. ناۋرىزباي تاعانۇلى بۇل ءوتىنىشتىڭ ورىندالاتىنىن جەتكىزدى.

ال، كەزدەسۋ سوڭىندا ناۋرىزباي قاجى تاعانۇلى اقتوبە وبلىسىنىڭ باس يمامىنا وڭىردە اتقارىلۋى ءتيىس جۇمىستار بويىنشا ناقتى تاپسىرمالار بەردى.

Abai.kz