25-اقپان كۇنى نۇر-سۇلتان قالاسىنداعى قازاقستان مۇسىلماندارى ءدىني باسقارماسى عيماراتىنىڭ ءماجىلىس زالىندا "قاسيەتتى قۇران: ماعىناسى مەن تۇسىنىكتەمەلەرى" اتتى كىتاپتىڭ تۇساۋكەسەرى ءوتتى. 

اتالعان شاراعا باس ءمۇفتي ناۋرىزباي قاجى تاعانۇلى، عالىمدار، پارلامەنت دەپۋتاتتارى مەن قاتار زيالى قاۋىم وكىلدەر، ءدىن قىزمەتكەرلەرى قاتىستى.

جاڭا كىتاپتى اراب تىلىنەن اۋدارعان  قمدب نايب ءمۇفتيى، يسلامتانۋشى ەرشات وڭعاروۆ، ال، قازاق ءتىلىنىڭ ادەبي مانەرىمەن تولىقتىرعان قازاقستان جازۋشىلار وداعىنىڭ مۇشەسى، جازۋشى نۇرجان مۇراتاليەۆ. ال، جاڭا كىتاپ جاستاردىڭ جات اعىمدار ارباۋىندا كەتپەۋىنە اسەر ەتۋ، قۇران اياتتارىن تىكەلەي ماعىناسىندا ءتۇسىنۋ ماقساتىندا جارىق كورىپ وتىر.

شارادا ءسوز العان باس ءمۇفتي ناۋرىزباي قاجى تاعانۇلى كىتاپتىڭ ءمانى مەن مازمۇنىنا توقتالىپ ءوتتى. ونىڭ ايتۋىنشا، ادامزاتتى زۇلىمدىقتان تۋرا جولعا باستايتىن، وركەنيەت پەن ءىلىم جولىنا ۇندەيتىن ىزگى كىتاپ قۇران كىتابى.

باس ءمۇفتي ناۋرىزباي قاجى تاعانۇلى:

- قۇرانعا امال ەتىلگەن ەل-جەردە تىنىشتىق ورناپ، اللانىڭ بەرەكەتى بولادى. دەمەك، قۇرانسىز ءومىردىڭ ءمانى دە، ءسانى دە جوق. مۇحاممەد (س.ع.س) حاديسىندە: «ۇيلەرىڭىزدە قۇران كارىمدى كوپ وقىڭىزدار. سەبەبى، قۇران وقىلماعان ۇيدە بەرەكە، جاقسىلىق از بولادى.ونداي ءۇي-ءىشى ءاردايىم قيىندىقتا بولادى. ياعني، ونداي ۇيدە تىنىشتىق بولمايدى»،- دەگەن بولاتىن

سونىمەن قاتار باسقارما توراعاسى اتالعان كىتاپتىڭ ەرەكشەلىگىنە توقتالىپ ءوتتى.

- قۇراننىڭ جاڭا اۋدارماسىنىڭ ەركەشەلىگى - قاسيەتتى اياتتار اراب تىلىندەگى تۇپنۇسقادان اۋدارىلىپ، ولاردىڭ قازاقشا ءتاپسىرى، ماعىناسى بەرىلگەن. جانە، تۇسىنىكتەمەسى مەن تاريحى جان-جاقتى جازىلعان. 

سونداي-اق، سۇرەلەردىڭ قازىرگى عىلىممەن بايلانىسى باياندالىپ، اراب تىلىندەگى اياتتىڭ دۇرىس وقىلۋى بەرىلگەن. كىتاپتى اۋدارۋ بارىسىندا اراب، تۇركيا، مىسىر ەلدەرىندەگى تۇپنۇسقا قولجازبالارعا سۇيەنە وتىرىپ، ءداستۇر مەن ءدىن باباقتاستىعىنا كوپ كوڭىل بولىنگەن. ال، كىتاپتىڭ ىولەمى مىڭ بەتتەن اسادى، - دەدى.

كەش بارىسىندا باسقارما توراعاسى اۋدارماشى ەرشات اعىبايۇلىنىڭ اتالعان كىتاپتى دايىنداۋدا ءال-ءناسافي، ءال-ءالۋسي، ءال-ماتۋريدي، ءال-ءجالالاين سياقتى حانافي ءمازوابىنىڭ عۇلاما-عالىمدارى مەن تاپسىرشىلەرىنىڭ ەڭبەگىنەن ءوز نۇسقاسىنان اۋدارىپ شىققانىن ايتتى. جانە، اتالعان ەڭبەكتى دايىنداۋدا بىرنەشە جىل سارپ ەتكەن ەڭبەگىنە ايرىقشا العىس ءبىلدىردى.

Abai.kz