جەكسەنبى, 20 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
بيلىك 863 7 پىكىر 26 اقپان, 2020 ساعات 10:54

مەملەكەت باسشىسى ەلجان ءبىرتانوۆتى قابىلدادى

قازاقستان پرەزيدەنتى قاسىم-جومارت توقاەۆ دەنساۋلىق ساقتاۋ ءمينيسترى ەلجان ءبىرتانوۆتى قابىلدادى.

مەملەكەت باسشىسىنا مينيسترلىكتىڭ قازىرگى جۇمىستارى مەن وتاندىق مەديتسينانىڭ دامۋى جونىندە ەگجەي-تەگجەيلى ەسەپ بەرىلدى.

ەلجان ءبىرتانوۆ پرەزيدەنتكە ەلىمىزدە كوروناۆيرۋستىڭ تارالۋىنا جول بەرمەۋ ءۇشىن مينيسترلىكتىڭ قابىلداعان شارالارى تۋرالى باياندادى.

سونىمەن قاتار مەملەكەت باسشىسىنا حالىقتىڭ دەنساۋلىعى جانە دەنساۋلىق ساقتاۋ جۇيەسى تۋرالى جاڭا كودەكستىڭ ازىرلەنۋ بارىسى جايىندا مالىمەت بەرىلدى.

ەلجان ءبىرتانوۆ قاسىم-جومارت توقاەۆقا مىندەتتى مەديتسينالىق ساقتاندىرۋ جۇيەسىنىڭ ەنگىزىلۋى جانە اۋرۋحانالاردى جاڭعىرتۋعا باعىتتالعان جاڭا مەملەكەتتىك باعدارلامانىڭ ىسكە اسىرىلۋى جونىندە ايتتى.

پرەزيدەنت حالىققا كورسەتىلەتىن مەديتسينالىق كومەكتىڭ ساپاسى مەن قول جەتىمدىلىگىن ارتتىرۋدىڭ اسا ماڭىزدى ەكەنىن اتاپ ءوتتى جانە جۇرتشىلىقتىڭ پىكىرىن ەسكەرە وتىرىپ، دەنساۋلىق تۋرالى جاڭا كودەكستى ازىرلەۋ جۇمىستارىن جالعاستىرۋدى تاپسىردى.

Abai.kz

7 پىكىر