اعىمداعى جىلعى 14 اقپاندا قر اقپارات جانە قوعامدىق دامۋ مينيسترلىگى وڭىرلەردە «رۋحاني جاڭعىرۋ» باعدارلاماسىن ىسكە اسىرۋ ماسەلەلەرى بويىنشا ونلاين-ترانسلياتسيا فورماتىندا كەڭەس وتكىزدى.

كەڭەسكە وبلىستار، رەسپۋبليكالىق ماڭىزى بار قالالار اكىمدەرىنىڭ ورىنباسارلارى، مينيسترلىكتىڭ جانە وڭىرلىك جوبالىق كەڭسەلەردىڭ وكىلدەرى قاتىستى.

«رۋحاني جاڭعىرۋ» باعدارلاماسىن ىسكە اسىرۋ جونىندەگى وڭىرلىك جوسپارلار، وڭىرلىك ساراپتامالىق كەڭەستەردىڭ قىزمەتى، قازاقستاندىق قوعامدىق دامۋ ينستيتۋتىنىڭ اكىمدىكتەرمەن جانە وڭىرلىك جوبالىق كەڭسەلەرمەن ءوزارا ءىس-قيمىل ماسەلەلەرى، سونداي-اق 2019 جىلى باعدارلامانى ىسكە اسىرۋ قورىتىندىلارى تالقىلاندى.

اقپارات جانە قوعامدىق دامۋ ۆيتسە-ءمينيسترى عابيدوللا وسپانقۇلوۆ «رۋحاني جاڭعىرۋ» باعدارلاماسىن ىسكە اسىرۋ جونىندەگى وڭىرلىك جوسپارلاردى بەكىتۋ تۋرالى ماسەلەنى كوتەردى.

سونىمەن قاتار، كەڭەس بارىسىندا ۇكىمەتتىك ەمەس ۇيىمدار، جاستار ۇيىمدارى جانە قوعامدىق پىكىر كوشباسشىلارىنىڭ قاتىسۋىمەن «ازاماتتىق الاڭ» تالقىلاۋ كلۋبىن قۇرۋ ماسەلەسى تالقىلاندى.

اتاپ ءوتۋ قاجەت، «حالىق ۇنىنە قۇلاق اساتىن مەملەكەت» تۇجىرىمداماسىنا كوشۋ جانە حالىقپەن ءتيىمدى كەرى بايلانىستى قامتاماسىز ەتۋ ماقساتىندا كەڭەس ونلاين رەجيمدە كورسەتىلدى. ترانسلياتسيا مينيسترلىكتىڭ رەسمي سايتىندا جانە الەۋمەتتىك جەلىلەردە قولجەتىمدى بولدى.

ەستەرىڭىزگە سالا كەتەيىك، 2020 جىلعى 5 اقپاندا قر مەملەكەتتىك حاتشىسى قىرىمبەك كوشەرباەۆتىڭ توراعالىعىمەن قوعامدىق سانانى جاڭعىرتۋ جونىندەگى ۇلتتىق كوميسسيانىڭ وتىرىسى ءوتتى، وتىرىستا «رۋحاني جاڭعىرۋ» باعدارلاماسىن ىسكە اسىرۋ جونىندەگى 2020 جىلعا ارنالعان ءىس-شارالار جوسپارى تانىستىرىلدى.

Abai.kz