سارسەنبى, 1 ءساۋىر 2020
631 0 پىكىر 15 اقپان, 2020 ساعات 13:36

ماگاتە وزبەكستانعا اەس قۇرىلىسىنا كومەكتەسۋگە دايىن

حالىقارالىق اتوم قۋاتى جونىندەگى اگەنتتىكتىڭ (ماگاتە) ۆەناداعى باس كەڭسەسىندە 10-14 اقپاندا يادرولىق قاۋىپسىزدىك جونىندە حالىقارالىق كونفەرەنتسيا ءوتىپ جاتىر.

ەنەرگەتيكا ءمينيسترى الىشەر سۇلتانوۆ باستاعان وزبەك دەلەگاتسياسى ۆەنادا ماگاتە باس ديرەكتورى ماريانو گروسسيمەن كەزدەستى.

مينيسترلىكتىڭ حابارلاۋىنشا، جۇزدەسۋدە ماگاتە باسشىسى وزبەكستان ۇكىمەتىنە اتوم ەنەرگەتيكاسىن دامىتۋعا كومەكتەسۋگە ءازىر.

"بۇعان قوسا اەس قۇرىلىسىن جۇزەگە اسىرۋعا جانە فيزيكالىق يادرولىق قاۋىپسىزدىكتى قامتاماسىز ەتۋعا دايىن ەكەنىن ءبىلدىردى" دەلىنگەن مينيسترلىك حابارلاماسىندا.

ميرزياەۆ ۇكىمەتى ەلدە العاشقى اتوم ەلەكتر ستانتسياسىن سالۋ ءۇشىن رەسەيدىڭ "روساتوم" اگەنتتىگىمەن بايلانىس ورناتتى.

جوبا قۇنى ازىرگە بەلگىسىز. وزبەكستاندا اەس قاۋىپسىزدىگىنە قاتىستى پىكىر-تالاس ءجۇرىپ جاتىر.

Abai.kz

0 پىكىر