26 قاڭتاردا قىتاي دەنساۋلىق ساقتاۋ ءمينيسترى ما سياوۆەي جاڭا ۆيرۋس وتە جىلدام تاراپ جاتىر دەپ مالىمدەدى. سياوۆەي قوزعالىسقا شەكتەۋ قويىپ، باقىلاۋدى بارىنشا كۇشەيتۋ ناتيجەسىن بەرەدى دەپ ەسەپتەيدى.

26 قاڭتاردا دۇنيەجۇزىلىك دەنساۋلىق ساقتاۋ باس ديرەكتورى جاعدايدى ءوز كورىمەن كورىپ، ماماندارمەن پىكىرلەسۋ ءۇشىن بەيجىڭگە بارۋدى جوسپارلاپ وتىرعانىن مالىمدەدى.

باسقا ەلدەردە دە جاڭا ۆيرۋستى جۇقتىرعان ازاماتتاردى انىقتاپ جاتىر. سوڭعى مالىمەت بويىنشا، تايلاند، اۋستراليا، اقش، كانادا ەلدەرىندە ۆيرۋستى جۇقتىرعان ازاماتتار تىركەلگەن. اقش، كانادا جانە فرانتسيا جانە جاپونيا ازاماتتارىن ۆيرۋس وشاعى شىققان قالادان كوشىرىپ الۋعا دايىندالىپ جاتىر.

قىتايدا بىرنەشە قالا جابىلىپ، قوعامدىق كولىكتەرگە شەكتەۋ قويىلعان.

قىتاي تۋريستىك قاۋىمداستىعى ساياحاتتى ۋاقىتشا توقتاتاتىنىن جاريالادى.

قازا تاپقانداردىڭ دەنىنىڭ جاسى 50-دەن اسقان. اۋرۋدىڭ العاشقى بەلگىلەرى سۋىق تيگەنگە ۇقسايدى، جوتەلەدى، وكپەسى ەنتىگىپ، دەمالۋ قيىندايدى.

Abai.kz