ءبىز قاشان وزگەرەمىز؟
بۇل - حيميالىق ەلەمەنتتەردىڭ 2019 جىلعى ءوندىرىسى.
حيميالىق ەلەمەنتتەردىڭ ىشىندە 20-دان اسا تۇرىنەن، مولشەرى مەن قورى جاعىنان الەمنىڭ الدىڭعى 10 ەلىنە كىرەمىز. 50-دەن اسا تۇرىنەن الەمنىڭ الدىڭعى 30 ەلىنە كىرەمىز.
ال، ءوندىرىسى شە؟ كەستەدە كورگەنىڭىزدەي، تەك جالعىز ەلەمەنت وندىرىسىنەن عانا كوش باستاپ تۇرمىز. ول - ۋران.
قازبا بايلىعى قورى جاعىنان الەمنىڭ 30 ەلى قاتارىنا كىرمەيتىن شىعىستاعى كورشىمىز، تۇتاس پەريودتىق جۇيەنى قىزارتىپ تۇر. سەبەبى، وزگە ەلدەگى ءوندىرۋشى كومپانيالاردىڭ ۇلەسى دە سولاردا. ەلى عىلىم مەن ءبىلىم قۋىپ ءجۇر.
ايتپاقشى، وتكەندە ءبىلىم ساپاسى تۋرالى PISA -2018 ناتيجەسىندە دە وسى شىعىستاعى كورشىمىز شىعانداپ الدا تۇر ەدى. سونداي ءبىلىم-عىلىمنىڭ ناتيجەسى وسىنداي ءوندىرىس. ءوندىرىس - ەكونوميكا، ەكونوميكالىق قۋات - مىقتى ساياسي كۇش ءھام قورعانىس.
ال، ءبىز شە؟ عىلىم مەن ءبىلىم قايدا، ءبىز قايدا؟
ءبىز بۇكىل ءانشىنىڭ ىشكەن-جەگەنى مەن سىبىرلاعانىنا شۋلاپ، كرەديت الىپ، ءبىر توي جاساعانعا تويىپ سەكىرىپ، ەكرانىمىزدى عىلىمعا ەمەس، سايقىمازاققا تولتىرىپ، قازاقتى ماسقارالاسا قارقىلداپ كۇلىپ، ءماز بوپ جاتىرمىز.
"ەرتەڭ، ەرتەڭگى ۇرپاق نە بولادى، ءبىلىم مەن عىلىمنىڭ ءحالى نەشىك، الەم قايدا كەتىپ بارادى؟" دەپ باس قاتىرعان باي دا، باستىق تا نەكەن-ساياق.
ءانشى مەن شوۋمەننىڭ استىنا تەمىر تۇلپار مىنگىزىپ، ءوزىمىزدى ماقتاتىپ قويىپ، سوعان ماساتتانىپ، ءماز بوپ جاتىرمىز.
ال، ء"بىلىم مەن عىلىمعا مىناداي دۇنيە جاسايتىن ەدىك، قازاق بالاسى ءۇشىن مىناداي عىلىمعا باستايتىن كىتاپ جازىپ ەدىك، قازاق ءتىلىن عىلىمعا اكەلەمىز دەپ ءىس جاساپ ەدىك، ءبىز ناعىز قازاقتىڭ ساپالى مەكتەبىن قالىپتاستىراتىن ەدىك" دەپ بارساڭ، ءبارى ساراڭ. نەگە؟ نەگە؟
الدە، بۇل قازاق "كەشە التىنعا وراپ ادام كومەتىن دەڭگەيدەگى عىلىمي جەتىستىگىنە ماقتانىپ، ەرتەڭگى ۇرپاعى سونى عانا ارمان ەتىپ كەتسىن. ەندى قايتىپ ەل بولماي-اق قويالىق" دەپ ويلاي ما؟
ءبىزدىڭ قوعام شوۋ مەن شۋ قۋعاننان وزبايدى، ءسوز قۋىپ جۇرە بەرسەك، ءبىز ءۇشىن ەلۋ ەل - ەرتەگى.
عىلىم مەن ءبىلىم...
ءبىلىم مەن عىلىم - ەلدىڭ تىرەگى.
ءبىز قاشان وزگەرەمىز؟
اياتجان احمەتجانۇلىنىڭ الەۋمەتتىك جەلىدەگى جازباسىنان
Abai.kz
