الماتى ماڭىندا اپاتقا ۇشىراعان "Bek Air" اۋە كومپانياسىنىڭ "فوككەر 100" دەيتىن ۇشاعى 23 جىل بۇرىن پايدالانۋعا بەرىلگەن. بۇل تۋرالى اۋەدەگى ۇشاقتاردىڭ جاي-كۇيىن باقىلايتىن حالىقارالىق ۆەب-سەرۆيس -  "Flightradar24" سەرۆيسى حابارلادى.

"Flightradar24" تۆيتتەر جەلىسىندەگى رەسمي پاراقشاسىندا: "№Z92100 رەيسىن (الماتى-نۇر-سۇلتان باعىتى بويىنشا) 23 جىل بۇرىن شىعارىلعان "فوككەر 100" ورىنداعان. @JetPhotos بازاسىنداعى بۇل ۇشاقتىڭ سوڭعى فوتوسۋرەتى 2018 جىلدىڭ ماۋسىمىندا تۇسىرىلگەن. سودان كەيىن ۇشاقتىڭ ءتۇسىن قايتا بوياعان بولۋى كەرەك...", دەپ جازىپتى. 

ال الماتى ماڭىنداعى اپات تۋرالى اقپار تاراتقان "ريا نوۆوستي" اگەنتتىگى قر ءىىم مالىمەتىن دەرەك ەتە وتىرىپ، اپاتقا ۇشىراعان ۇشاقتا شەتەلدىك ازاماتتاردىڭ دا بولعانىن جازادى.

"ۇشاق بورتىندا 93 جولاۋشى مەن 5 ەكيپاج مۇشەسى بولعان. ولاردىڭ ىشىندە شەتەلدىك ازاماتتار دا بار. اتاپ ايتقاندا: ۋكراينانىڭ 2 ازاماتى، قىرعىزستاننىڭ 1 ازاماتى مەن 1 قىتاي ازاماتى. قالعاندارى قازاقستان ازاماتتارى", دەيدى.

Abai.kz