استانا. 2 قىرقۇيەك. قازتاگ - قر پرەزيدەنتى نۇرسۇلتان نازارباەۆ قىزىلوردا وبلىسىنا جۇمىس ساپارى بارىسىندا وبلىس ورتالىعىنداعى جاڭا تەننيس ورتالىعىندا بولدى، دەپ حابارلايدى جۇما كۇنى مەملەكەت باسشىسىنىڭ ءباسپاسوز قىزمەتى.

«تەننيس ورتالىعىن ارالاۋ بارىسىندا پرەزيدەنت جاڭا كورتتىڭ ساپاسىن ءوزى سىناقتان وتكىزىپ، قىزىلوردانىڭ جاس تەننيسشىلەرىنە تەننيس بويىنشا ماستەر-كلاسس كورسەتتى»، - دەلىنگەن اقوردا سايتىنداعى اقپاراتتا.

«مەن دە ۇلكەن تەننيس وينايمىن. ءسويتىپ سالاۋاتتى ءومىر سالتىن ۇستانىپ، سپورتپەن شۇعىلدانۋ قاجەتتىگى جونىندە جاستارعا ءوزىم ۇلگى كورسەتىپ كەلەمىن»، - دەدى ن. نازارباەۆ.

تەننيس ورتالىعىنىڭ قۇرىلىسى مەملەكەتتىك-جەكە مەنشىك سەرىكتەستىك اياسىندا وبلىس اكىمدىگى مەن «ساۋتس ويل» كومپانياسى اراسىنداعى مەموراندۋمعا سايكەس جۇرگىزىلدى. نىساننىڭ قۇنى 300 ملن. تەڭگەنى قۇرايدى.

استانا. 2 قىرقۇيەك. قازتاگ - قر پرەزيدەنتى نۇرسۇلتان نازارباەۆ قىزىلوردا وبلىسىنا جۇمىس ساپارى بارىسىندا وبلىس ورتالىعىنداعى جاڭا تەننيس ورتالىعىندا بولدى، دەپ حابارلايدى جۇما كۇنى مەملەكەت باسشىسىنىڭ ءباسپاسوز قىزمەتى.

«تەننيس ورتالىعىن ارالاۋ بارىسىندا پرەزيدەنت جاڭا كورتتىڭ ساپاسىن ءوزى سىناقتان وتكىزىپ، قىزىلوردانىڭ جاس تەننيسشىلەرىنە تەننيس بويىنشا ماستەر-كلاسس كورسەتتى»، - دەلىنگەن اقوردا سايتىنداعى اقپاراتتا.

«مەن دە ۇلكەن تەننيس وينايمىن. ءسويتىپ سالاۋاتتى ءومىر سالتىن ۇستانىپ، سپورتپەن شۇعىلدانۋ قاجەتتىگى جونىندە جاستارعا ءوزىم ۇلگى كورسەتىپ كەلەمىن»، - دەدى ن. نازارباەۆ.

تەننيس ورتالىعىنىڭ قۇرىلىسى مەملەكەتتىك-جەكە مەنشىك سەرىكتەستىك اياسىندا وبلىس اكىمدىگى مەن «ساۋتس ويل» كومپانياسى اراسىنداعى مەموراندۋمعا سايكەس جۇرگىزىلدى. نىساننىڭ قۇنى 300 ملن. تەڭگەنى قۇرايدى.

ءباسپاسوز مالىمدەمەسىنە سايكەس، قازاقستاندىق تەننيس فەدەراتسياسىنىڭ پرەزيدەنتى بولات وتەمۇراتوۆ مەملەكەت باسشىسىنا حالىقارالىق ستاندارتتارعا سايكەس كەلەتىن قىزىلوردا قالاسىنداعى ءىرى تەننيس ورتالىعىن قۇرۋ تۋرالى، سونداي-اق ەلىمىزدە تەننيس سپورتىن دامىتۋدىڭ كەلەشەگى مەن جاي-كۇيى جايىندا بايانداپ بەردى. قازىرگى ۋاقىتتا پرەزيدەنتتىڭ تاپسىرماسى بويىنشا تەننيس سپورتىن دامىتۋ ستراتەگياسى ىسكە اسىرىلۋدا. سونىڭ ناتيجەسىندە استانا، پاۆلودار، اقتوبە، وسكەمەن، قىزىلوردا، شىمكەنت قالالارىندا ءىرى تەننيس ورتالىقتارى پايدالانۋعا بەرىلدى.

ن.نازارباەۆ ع.مۇراتباەۆ اتىنداعى ورتالىق ستاديوندا بولىپ، وليمپيادا چەمپيونى يليا يلين مەن قازاقشا كۇرەستەن «قازاقستان بارىسى» اتاعىنىڭ يەگەرى ۇلان رىسقۇل باستاعان قىزىلوردا وبلىسىنىڭ سپورتشىلارىمەن كەزدەستى.

«مەملەكەت جاستار سپورتپەن شۇعىلدانۋلارى ءۇشىن بارلىق جاعدايدى جاساۋدا. مۇنداي قىزىلوردادا قاشان بولىپ ەدى؟ مەن 2001 جىلى كەلگەندە بۇل ستاديون قيراپ جاتقان ەدى، ال قازىر مۇندا سپورتپەن اينالىسىپ، كوگالداعى حوككەي ويناۋعا بولادى، توڭىرەگىندە تەننيس كورتى بار، كەلەشەكتە مۇز سارايى سالىنادى. جاستار سپورتقا وسىلايشا بەت بۇرادى. مىسالى، يليا يلين - وليمپيادا چەمپيونى، قازاقشا كۇرەستەن - ۇلان رىسقۇل بار»، - دەپ اتاپ ءوتتى پرەزيدەنت.

ودان كەيىن پرەزيدەنت «ۇلانىمىز ۇلى ەلدىڭ» اتتى اكتسياسى ءوتىپ جاتقان قالانىڭ ورتالىق الاڭعا جوسپارلانباعان ايالداما جاسادى. شاراعا وبلىس مەكتەپتەرىنىڭ 3 مىڭنان استام وقۋشىسى قاتىستى.

«جاستار بىرىگۋلەرى ءتيىس. ولار وزدەرىنىڭ پاتريوتتىق سەزىمدەرىن جەتىلدىرە تۇسۋلەرى كەرەك. بولاشاقتا تەك جاستار ەلدى العا باستايتىن بولادى. بىزگە كۇللى الەمگە قازاقستاننىڭ اتىن ماقتانىش سەزىممەن جانە اسقاق الىپ جۇرەتىن ءبىلىمدى ازاماتتار قاجەت. قازىر باسەكەگە قابىلەتتىلىك - بىلىمدە. سوندىقتان سىزدەردىڭ باستى مىندەتتەرىڭىز - ساپالى دا تەرەڭ ءبىلىم الىپ شىعۋ»، - دەپ اتاپ ءوتتى مەملەكت باسشىسى جاس قىزىلوردالىقتارعا قاراتىپ ايتقان سوزىندە.

ن. نازارباەۆ سونداي-اق سىرداريا وزەنى بويىنداعى مادەني ويىن-ساۋىق كەشەنىندە بولدى. كەشەندى ارالاۋ بارىسىندا ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ىسكە اسىرىلىپ جاتقان وبلىستاعى ينۆەستيتسيالىق جوبالاردىڭ كورمەسىمەن تانىستى.