سەيسەنبى، 24 جەلتوقساندا ولاردىڭ پروكۋرورمەن پروتسەسسۋالدىق كەلىسىم جاسايتىنى تۋرالى حابارلانعان ەدى. ادۆوكات جانار بالعاباەۆانىڭ ايتۋىنشا، كەشە پروتسەسسۋالدىق كەلىسىمگە قول قويىلىپ، سوتقا ءوتىنىش تۇسىرىلگەن. بۇگىن ءوتىنىشتى قاراعان سوت ونى قاناعاتتاندىرعان. بەس جىگىت سوت زالىنان بوساتىلعان.

ادۆوكات مۇنداي شەشىمنىڭ شىعۋىنا "حالىق قولداۋى دا اسەر ەتكەنىن" ايتادى.

ءبىر كۇن بۇرىن سوت عيماراتىنىڭ سىرتىندا حالىق ايىپتالۋشىلار وتىرعان گازەلدى جىبەرمەي، ولاردى بوساتۋدى تالاپ ەتكەن ەدى. ومون جاساقتارى كەلىپ، جولدى ارشۋعا تىرىسقانمەن "بوستاندىق!" دەپ ايقايلاعان جۇرت كولىكتىڭ جۇرۋىنە مۇرسات بەرمەدى. اقىرىندا اقسۋ اۋداندىق پروكۋرورىنىڭ ورىنباسارى ادىلەت اسقارۇلى كەلىپ، "ايىپتالۋشىلاردىڭ پروتسەسسۋالدىق كەلىسىمگە كەلىپ جاتقانىن، ەرتەڭ بوستاندىققا شىعاتىنىن" ايتقان. تەك سودان كەيىن حالىق تاراعان.

"Citic Construction" كومپانياسىنىڭ قىتايدان كەلگەن جۇمىسشىلارىمەن توبەلەستى دەلىنگەن قىزىلاعاش اۋىلىنىڭ بەس تۇرعىنىنىڭ سوتى 20 جەلتوقساندا باستالعان ەدى. ولارعا قىلمىستىق كودەكستىڭ "قارۋ يا سۋىق قارۋ قولدانىپ دەنساۋلىققا زيان كەلتىرۋ" (293 باپتىڭ 3-تارماعى) بابى بويىنشا ايىپ تاعىلدى.

جەرگىلىكتى اقپارات قۇرالدارىنىڭ حابارلاۋىنشا، 2019 جىلدىڭ 8 قازان كۇنى قىزىلاعاش اۋىلىنىڭ بەس تۇرعىنى قىتايدىڭ جيىرما شاقتى ازاماتىن سوققىعا جىعىپ، ونىڭ 11-ءى جەڭىل، ۇشەۋى ورتا دەڭگەيدە جارالانعان.

Abai.kz