بۇنىڭ الدىندا مەكسيكا بيلىگى مورالەسكە ساياسي باسپانا بەرگەنىن مالىمدەگەن. مورالەس ومىرىنە قاۋىپ ءتوندى، وعان پانا بەرۋ تۋرالى شەشىم قۋدالاۋعا ۇشىراعانداردى جاسىرۋ داستۇرىنە ساي قابىلداندى دەدى مەكسيكانىڭ سىرتقى ىستەر ءمينيسترى. ودان بۇرىن مورالەس مەحيكودان ساياسي باسپانا بەرۋىن سۇراعان.
بوليۆيا پرەزيدەنتى ەۆو مورالەس 10 قاراشادا قىزمەتتەن كەتكەنىن جاريالادى. مورالەس ەلدە جاپپاي نارازىلىق كۇشەيگە ساتتە وسىنداي شەشىم قابىلداۋعا ءماجبۇر بولدى. حالىق 20 قازاندا وتكەن پرەزيدەنت سايلاۋىنىڭ ناتيجەسىنە نارازىلىق تانىتتى. جوعارعى سوت مورالەستى سايلاۋدىڭ ءبىرىنشى تۋرىندا جەڭىسكە جەتتى دەپ تانىعان. ونىڭ باستى قارسىلاسى، بۇرىنعى جۋرناليست كارلوس مەسا سايلاۋ ناتيجەسىن مويىنداۋدان باس تارتىپ، جاقتاستارىن كوشەگە شىعۋعا شاقىردى. ول سايلاۋدىڭ ەكىنشى تۋرىن وتكىزۋدى تالاپ ەتتى. حالىقتىڭ پوليتسيامەن قاقتىعىسىندا ءۇش ادام قازا تاپتى.
مورالەس بيلىكتەن باس تارتقان سوڭ، ۆيتسە-پرەزيدەنت پەن پارلامەنت پالاتالارىنىڭ توراعالارى، بىرنەشە مينيستر، ولاردىڭ ورىنباسارلارى جانە گۋبەرناتورلار قىزمەتتەن كەتتى. بۇعان قوسا پوليتسيا جوعارعى سوت توراعاسى ماريو ەۋحەنيو چوكە مەن ونىڭ ورىنباسارىن قاماۋعا الدى. ونىڭ الدىندا بوليۆيا پوليتسياسى مورالەستى ۇستاۋعا وردەر العانى بەلگىلى بولعان.
Abai.kz
