جۇما, 28 اقپان 2020
46 - ءسوز 1926 6 پىكىر 28 تامىز, 2019 ساعات 14:13

ححI عاسىر - تەحنولوگيا ءداۋىرى

ححI عاسىر - تەحنولوگيا ءداۋىرى. قازىرگى تاڭدا ادام ءومىرىن جەڭىلدەتەتىن ءتۇرلى تەحنولوگيالار كۇن سايىن ومىرگە كەلىپ جاتىر. ونىڭ يگىلىگىن كورۋ كەرەك. مىسالى حق كو (تسون)-دى الىپ قارايىقشى. كەيدە ءبىز تەحنولوگيانى تۇسىنبەستەن نەمەسە كوڭىل اۋدارماستان قيىندىقتارعا تاپ بولىپ، باس قاتىرىپ، بالتىر سىزداتامىز.

وسىدان ەكى-ءۇش جىل بۇرىن ەتسپ-نىڭ نە ەكەنىن بىلمەگەن ساتتە، تابان توزدىرىپ تسون جاعالاپ جۇرەتىنمىن. تاڭەرتەڭ تۇرىپ، ارتىنشا كەزەكتە تۇرىپ قينالاتىن ەدىم. وعان كەتكەن ەسىل ۋاقىتتى ايتساڭىزشى. سونداعى تۇرىسىم مەكەن-جاي انىقتاماسىن الۋ ءۇشىن. اقىماق باس قوس اياقتىڭ سورى دەپ، تازا اقىماق بولىپپىن. كەيىن ەتسپ كەلىپ، بۇل تۇرعىدان ءومىرىمىز جەڭىلدەپ قالدى عوي.

قۇدايعا شۇكىر، ەتسپ دەگەن جاقسى بولدى. ۇيدە وتىرىپ الىپ، ءبىراز قۇجاتتى رەتتەپ تاستايمىز. ەلەكتروندى حقكو ارقىلى ۇيدە ءشايىڭىزدى ءىشىپ، جىلى جەردە، تىنىش پاتەردە وتىرىپ-اق، بارلىق قاجەت ماسەلەنى رەتتەي بەرىڭىز. مەنىڭ ويىمشا ەتسپ جۇيەسىن حالىق جاقسى مەڭگەرسە، وندا تسون-داعى كەزەك تە، تۇرعىنداردىڭ ماسەلەسى دە تەز شەشىلەدى.

كەيدە ۇيگە كەلگەن تۋىستار تسون-دا ۇزاق كەزەككە تۇرعانىن ايتسا، ەتسپ جايلى ايتىپ بەرەمىن. تۇسىندىرۋگە تىرىسىپ، ءوزىمنىڭ ەتسپىم ارقىلى نوۋتبۋكپەن كورسەتىپ بەرەمىن. ءبىرازىنىڭ ءومىرى جەڭىلدەپ قالدى قازىر. راحمەت ايتىپ ءجۇر.
مەنىڭ ويىمشا جاڭاشىلدىقتان قورىقپاي، تەحنولوگيالاردى بارىنشا پايدالانۋ كەرەك. بۇل سىزگە ۋاقىت ۇنەمدەۋگە جانە قۇجات رەتتەۋگە ۇلكەن كومەك بولماق. قازىر ءتىپتى ءموبيلدى قوسىمشا ارقىلى دا ەلەكتروندى تسون-نان انىقتامالاردى الا بەرۋگە بولاتىنىن ۇمىتپاڭىز

اسحات قاسەنعاليدىڭ facebook پاراقشاسىنان
Abai.kz
6 پىكىر