يتاليانىڭ كۋنەو پروۆينتسياسىنداعى بەرگولو قالاسىنان باستاۋ العان "Velia" مۋزىكالىق فەستيۆالىنىڭ اياسىندا قر مادەنيەت جانە سپورت مينيسترلىگىنىڭ قولداۋىمەن "قازاقكونتسەرت" مەملەكەتتىك كونتسەرتتىك ۇيىمىنىڭ "اكادەميا سوليستوۆ" مەملەكەتتىك كامەرالىق وركەسترى العاشقى كونتسەرتىن بەلگىلى سپورتشى، ەل ماقتانىشى دەنيس تەنگە ارنادى. قازاقستاننىڭ xالىق ءارتىسى، قازاقستاننىڭ ەڭبەك ەرى، «سوليستەر اكادەمياسىنىڭ» كوركەمدىك جەتەكشىسى ايمان مۇساقوجاەۆا كەشتى 1 مينۋت ۇنسىزدىك جاريالاپ دەنيس تەننىڭ قايعىلى جاعدايدا قازا بولعانىنا بايلانىستى قازاقستاندىقتار مەن تۋعان-تۋىستارىنا كوڭىل ايتتى. قازاقستاننىڭ xالىق ءارتىسى، قازاقستاننىڭ ەڭبەك ەرى، «اكادەميا سوليستوۆ» مەملەكەتتىك وركەسترىنىڭ كوركەمدىك جەتەكشىسى ايمان مۇساقوجاەۆا:

- جۇلدىزداي جارق ەتكەن دەنيس تەننىڭ مەزگىلسىز دۇنيەدەن ءوتۋى بارلىعىمىزعا اۋىر ءتيدى. بۇل جاعداي بارشا قازاق ەلىنىڭ ءۇشىن اۋىر قايعى. سوندىقتان ءبىز فەستيۆال اياسىنداعى العاشقى كونتسەرتتى دەنيس تەننىڭ قۇرمەتىنە ارنادىق. جاس ءارى تالانتتى، قازاقستان مەن الەمنىڭ سۇيىسپەنشىلىگىنە بولەنىپ ۇلگەرگەن دەنيس ەلىمىزدەگى سپورتتىڭ دامۋىنا زور ۇلەس قوستى. ونىڭ ەسىمى، جەتىستىكتەرى مەن ەرەن ەڭبەگى جۇرەگىمىزدە ماڭگى ساقتالماق.ونىڭ جالىنى سونداي الاۋلاپ جاندى دا، سونداي ەرتە ءسوندى. جارقىن تۇلعا دەنيس تەن – ەلىمىزدىڭ جارىق جۇلدىزى. كونتسەرتكە كەلگەن يتاليالىق ونەر سۇيەر قاۋىمعا ءبىز دەنيس تۋرالى اڭگىمەلەپ، كونتسەرتتى سونىڭ قۇرمەتىنە ارنادىق.

ايمان مۇساحودجاەۆا دەنيستىڭ رۋحىنا ارناپ برامستىڭ، سەن-سانسەنىڭ، ۆاكسماننىڭ، ساراساتەنىڭ بەلگىلى كومپوزيتسيالارىن ورىندادى. سونىمەن قاتار، كونتسەرتتىڭ شىمىلدىعىن ۇكىلى ىبىرايدىڭ "قىزىل اسىق" انىمەن اشقان ءداستۇرلى ءانشى اسقار مۇقيات پەن وتاندىق وپەرا ءانشىسى ازات مالىك ابايدىڭ «كوزىمنىڭ قاراسى» ءانىن ورىنداپ ەۋروپالىقتاردى تاڭعالدىردى. ەكى ساعاتقا سوزىلعان كونتسەرت تالعامپاز كورەرمەننىڭ قوشەمەتىنە بولەندى.

Abai.kz