Särsenbi, 27 Mamır 2020
COVID-19 QAZAQSTANDA. Jwqtırğandar — 8969. Jazılğandar — 4613. Qaytıs bolğandar — 37
1578 0 pikir 25 Şilde, 2018 sağat 11:15

"Akademiya solistov" memlekettik kameralıq orkestri alğaşqı koncertin belgili sportşı Denis Tenge arnadı

Italiyanıñ Kuneo provinciyasındağı Bergolo qalasınan bastau alğan "Velia" muzıkalıq festivaliniñ ayasında QR Mädeniet jäne sport ministrliginiñ qoldauımen "Qazaqkoncert" memlekettik koncerttik wyımınıñ "Akademiya solistov" memlekettik kameralıq orkestri alğaşqı koncertin belgili sportşı, el maqtanışı Denis Tenge arnadı. Qazaqstannıñ xalıq ärtisi, Qazaqstannıñ Eñbek Eri, «Solister akademiyasınıñ» körkemdik jetekşisi Ayman Mwsaqojaeva keşti 1 minut ünsizdik jariyalap Denis Tennıñ qayğılı jağdayda qaza bolğanına baylanıstı Qazaqstandıqtar men tuğan-tuıstarına köñil ayttı. Qazaqstannıñ xalıq ärtisi, Qazaqstannıñ Eñbek Eri, «Akademiya solistov» memlekettik orkestriniñ körkemdik jetekşisi Ayman Mwsaqojaeva:

- Jwldızday jarq etken Denis Tenniñ mezgilsiz dünieden ötui barlığımızğa auır tidi. Bwl jağday barşa Qazaq eliniñ üşin auır qayğı. Sondıqtan biz festival' ayasındağı alğaşqı koncertti Denis Tenniñ qwrmetine arnadıq. Jas äri talanttı, Qazaqstan men älemniñ süyispenşiligine bölenip ülgergen Denis elimizdegi sporttıñ damuına zor üles qostı. Onıñ esimi, jetistikteri men eren eñbegi jüregimizde mäñgi saqtalmaq.Onıñ jalını sonday alaulap jandı da, sonday erte söndi. Jarqın twlğa Denis Ten – elimizdiñ jarıq jwldızı. Koncertke kelgen italiyalıq öner süyer qauımğa biz Denis turalı äñgimelep, koncertti sonıñ qwrmetine arnadıq.

Ayman Mwsahodjaeva Denistiñ ruhına arnap Bramstıñ, Sen-Sanseniñ, Vaksmannıñ, Sarasateniñ belgili kompoziciyaların orındadı. Sonımen qatar, koncerttiñ şımıldığın Ükili Ibıraydıñ "Qızıl asıq" änimen aşqan dästürli änşi Asqar Mwqiyat pen otandıq opera änşisi Azat Mälik Abaydıñ «Közimniñ qarası» änin orındap europalıqtardı tañğaldırdı. Eki sağatqa sozılğan koncert talğampaz körermenniñ qoşemetine bölendi.

Abai.kz

0 pikir