بۇگىن استانادا XI استانا ەكونوميكالىق فورۋمى: Global Challenges Summit 2018 شاراسىن وتكىزۋ قارساڭىندا ۇيىمداستىرىلعان «اەف–2018-گە بارامىن» بايقاۋىنىڭ قورىتىندىسى شىعارىلدى.

بايقاۋ قورىتىندىسى بويىنشا قازاقستاندىق الەۋمەتتىك مەديا پايدالانۋشىلارى جەكە اككاۋنتتارىندا اەف-ءتىڭ رەسمي حەشتەگتەرىمەن فورۋمعا نەلىكتەن بارعىسى كەلەتىنى تاقىرىبىنداعى جازبالارىن نەمەسە بەينەروليكتەرىن جاريالادى.

نەگىزگى ماقساتى استانا ەكونوميكالىق فورۋمىن جاستار اراسىندا ناسيحاتتاۋ، جالپى بۇقاراعا كۇن تارتىبىندەگى 11 سىن-تەگەۋرىننىڭ جانە ءىس-شارانى Global Challenges Summit-كە وزگەرتۋدىڭ ءمانىن اشۋ بولعان بايقاۋ 4 جانە 15 مامىر ارالىعىندا ءوتتى.

بۇگىن استانا قالاسىنداعى «Hilton» مەيمانحاناسىندا «اەف–2018-گە بارامىن» بايقاۋىنىڭ جەڭىمپازدارىن رەسمي ماراپاتتاۋ ءراسىمى ءوتتى.

قۇرامىنا اەف ۇيىمداستىرۋ كوميتەتىنىڭ وكىلى دينارا جولداسپاەۆا، «جەتىنشى ارنانىڭ» ديرەكتورلار كەڭەسىنىڭ مۇشەسى، پروديۋسەر، تانىمال تەلەجۇرگىزۋشى ءلايلا سۇلتانقىزى مەن بەلگىلى بلوگەر، قوعام قايراتكەرى عالىم بايتوق كىرگەن ادىلقازىلار جۇزدەن استام جۇمىستىڭ ىشىنەن ەڭ ۇزدىك بەسەۋىن ىرىكتەپ الدى.

جەڭىمپازدار اەف-كە تەگىن بارۋ مۇمكىندىگىنە يە بولدى. سونىمەن قاتار اقتىق سىنعا شىققانداردىڭ استانا ەكونوميكالىق فورۋمىنىڭ اتاقتى سپيكەرلەرىنىڭ بىرىمەن فوتوعا تۇسۋگە كەرەمەت مۇمكىندىگى بار.

بايقاۋ جەڭىمپازدارى:

ايگەرىم تاسبولات — حالىقارالىق بيزنەس جانە كوممۋنيكاتسيالار كوللەدجىنىڭ ستۋدەنتى، الماتى قالاسى;

ايگەرىم سەرىكجانوۆا — «جاس وتان» جاستار قاناتىنىڭ وكىلى، استانا قالاسى;

سونار ەرجان — «ميراس» ۋنيۆەرسيتەتىنىڭ ستۋدەنتى، وڭتۇستىك قازاقستان وبلىسى;

شايحيسلام لايسحانوۆ — PHD دوكتورى، قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ وقىتۋشىسى، الماتى قالاسى;

ناديرا سىرلىباەۆا — وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ ستۋدەنتى، وڭتۇستىك قازاقستان وبلىسى.

Abai.kz