جەكسەنبى, 20 قازان 2019
46 - ءسوز 4241 0 پىكىر 30 قىركۇيەك, 2015 ساعات 16:06

ءسۇيىنشى!

(28 قىركۇيەكتە بۇۇ-نىڭ نيۋ-يوركتەگى 70-ءشى مەرەيتويلىق سەسسياسىندا بايانداما جاساعان ەلباسىمىز نۇسۇلتان نازارباەۆ باستان-اياق  تەك قازاقشا سويلەدى.)

ايتار بۇگىن بار جاھانعا ساۋىنىم،

اق تۇيەنىڭ قارنى جارىلدى قاۋىمىم

الاپاتىن اسىرىپ الاشىمنىڭ مىنبەردە

ار جاعىنا مۇحيتتىڭ قازاق ءتىلى مىنگەندە

ادامزاتتىڭ شەشىلەردەي داۋى مىڭ.

 

اۋ، ادامدار، وزەن شىركىن تازا اقسا،

الاش بىتكەن سويلەپ تە كەتسە قازاقشا،

ارمان ەدى وسى ويلار مەڭدەگەن،

(ازاتتىقتى اڭساماعان كەمدە-كەم)

اسىپ ءبىر توكسە تىلگە ارنالعان باۋ-باقشا.

 

 اقىلماندار از با بىزدە، مىنكەن ەر،

اسقاق ءسوزدى ايتادى استە ۇلكەندەر.

ارىق ويلى قارا ورىستار «قارتايار»،

ال الاشتىڭ اردا ۇلى مارقايار

اشىلىپ جاتسا ادامي وسى ءبىر كەندەر.

 

التى ءتىل ەدى بۇۇ-دا ءوزى قۇرىلعان،

اعىلشىن ءتىلى، قىتايدىڭ ءتىلى بۇرىننان.

ارابتىڭ ءتىلى، ازەلدەن بەتەر ورىسشا،

ايعايلاپ كەلەر جەتىنشى بولىپ سول ۇقسا -

الاشتىڭ ءتىلىن كورەرسىڭ گوزەل جىرىمنان.

 

الاقاي دەدىك اسپانعا بورىك لاقتىرىپ،

انا تىلىمىزگە وسىلاي قانات قاقتىرىپ.

اتا-تۇرىك تە ارداقتاپ اسىل ءداستۇرىن

ايالاعان ەجەلگى ءتارتىپ-ءتاپسىرىن،

 ارايلى تاڭىن تۋعان ءتىلىنىڭ اتتىرىپ.

 

 ...انا ءتىلىم-اي، اۋماعى زوردى ءۇيىرشى،

الاشىم ءسويتىپ اقوردا كەلىپ جيىلشى.

اق سۇتىمدەيسىڭ انامنىڭ ءتوسى ساۋلاعان،

اق پەيىلىڭمەن قالىڭ ەلىمدى باۋراعان،

اقەدىل بولىپ اقتىڭ عوي ەندى، ءسۇيىنشى!

 باقىتجان توباياقتان، استانا

 Abai.kz

 

0 پىكىر