«استانا ەكسپو-2017» ۇك باسقارما توراعاسى احمەتجان ەسىموۆ «Samsung Electronics ورتالىق ەۋرازيا» پرەزيدەنتى كيم يۋنسۋمەن كەزدەسۋ وتكىزدى.

وڭتۇستىك كورەيا كورپوراتسياسىنىڭ وكىلى كومپانيانىڭ «استانا ەكسپو-2017» ۇك سەرىكتەس بولۋ جانە الداعى كورمەگە قاتىسۋ نيەتىن راستادى. تاراپتار ىنتىماقتاستىقتىڭ مۇمكىن باعىتتارىن تالقىلادى. «استانا ەكسپو-2017» ۇك باسقارما توراعاسى احمەتجان ەسىموۆ اتاپ وتكەندەي، جاقىن ارادا ۇلتتىق كومپانيا Samsung Electronics-پەن سەرىكتەستىك تۋرالى مەموراندۋمعا قول قويۋ جوسپارلانىپ وتىر.

 «استانا ەكسپو-2017» ۇك» اق ەكسپو-2017 حالىقارالىق مامانداندىرىلعان كورمەسىنە دايىندىق جانە ونى وتكىزۋ ماقساتىندا 2013 جىلعى 15 قاڭتاردا قۇرىلعان. كورمە 2017 جىلعى 10 ماۋسىمنان باستاپ 10 قىركۇيەكتى قوسا العان ارالىقتا استانا قالاسىندا وتكىزىلەدى. كورمەگە 100 ەلدەن كەم دەگەندە 10 حالىقارالىق ۇيىم، 10 جەتەكشى يننوۆاتسيالىق تەحنولوگيالار كومپانيالار قاتىسادى دەپ جوسپارلانىپ وتىر. جالپى العاندا كورمەگە 2 ميلليوننان استام كەلۋشىلەر مەن شامامەن 5 ميلليونداي ساپارلار بولادى دەپ كۇتىلەدى.

اباي-اقپارات