قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ تاپسىرماسىمەن ش.شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى 2019 جىلعى 31 قازاندا «سالالىق تەرميندەردى اۋدارۋدىڭ ءادىس-تاسىلدەرى» تاقىرىبىندا ادىستەمەلىك ونلاين-سەمينار وتكىزەدى.

تەرمينولوگيالىق لەكسيكا قوعامنىڭ رۋحاني، مادەني، ساياسي ومىرىندە تۋىنداپ جاتقان وزگەرىستەرگە بايلانىستى دامىپ، بايىپ وتىراتىندىعىمەن ەرەكشەلەنەدى. وسىنداي وزگەرىستەرگە سايكەس قانداي دا ءبىر ارناۋلى سالاداعى تەرميندەر تەرمينولوگيالىق ورىسپەن شەكتەلمەي، جالپى قولدانىسقا ءتۇسۋى مۇمكىن. ا.بايتۇرسىنۇلىنىڭ تەرمينجاسامعا قاتىستى قۇندى ەڭبەكتەرىنەن باستاۋ الاتىن قازاق تەرمينولوگياسىنىڭ عىلىمي-پراكتيكالىق ماسەلەلەرى ءالى كۇنگە دەيىن قارقىندى زەرتتەلىپ كەلە جاتىر. تەرميندەردىڭ قىزمەتى مەن ولارعا ءتان ەرەكشەلىكتەردى ايقىنداۋ، جالپى تەرمينولوگيانىڭ دامۋ باعىتىن باعدارلاۋ، سالالىق تەرميندەر جۇيەسىن قالىپتاستىرۋ، تەرمينجاسام ءادىس-تاسىلدەرىن سارالاۋ، تەرميندەنگەن اتاۋلاردىڭ جاسالۋ جولدارىن ايقىنداپ، تالداپ بەرۋ – وسى ماسەلەلەردىڭ شەشىمىن تابۋداعى باستى مىندەتتەر بولىپ تابىلادى. بۇگىنگى تاڭدا قازاق عىلىمي ءتىلىن جانە عىلىمي تەرمينولوگياسىن دامىتۋ ماقساتىندا سالالىق تەرميندەردىڭ ۇلتتىق ۇلگىسىن جەتىلدىرۋدىڭ، جۇيەلەۋدىڭ تىلتانىمدىق نەگىزدەرىن جاساۋ وزەكتى ماسەلەلەردىڭ ءبىرى بولىپ وتىر.

وسىعان وراي وتكىزىلەيىن دەپ وتىرعان ونلاين-سەميناردىڭ ماقساتى – قازاق تىلىندەگى سالالىق تەرميندەردى ۇلتتىق ۇلگىدە جاڭعىرتۋدىڭ نەگىزى رەتىندە الىنىپ، قازاق تىلىندەگى سالالىق تەرميندەردىڭ جۇيەلەنىپ، بىرىزدەنۋىنە، رەتتەلۋىنە مەيلىنشە ىقپالىن تيگىزۋ. بەلگىلى لينگۆيست-عالىمدار بىرلەسىپ، سالالىق تەرميندەردى اۋدارۋدىڭ تابيعاتى مەن ەرەكشەلىكتەرى، تەرميندەردىڭ ءبىرىزدى قولدانىلۋ ماسەلەلەرىن تالقىلايدى.

ونلاين-سەمينار قورىتىندىسى بويىنشا ءتيىستى ۇسىنىمدار ازىرلەنەتىن بولادى.

Abai.kz