قىزىلوردا قالاسى كۇنىنە ارنالعان مەرەكەلىك ءىس-شارالار «YOUTH FORMULA» - جاستىق شاقتىڭ فورمۋلاسىن سەزىن!» اتتى مەرەكەلىك شارامەن جالعاسىن تاپتى.

مەرەكەلىك شارا بالاباقشالاردىڭ، ەرىكتى جاستاردىڭ، قوعام بەلسەندىلەرىنىڭ، ەتنومادەني ۇيىمداردىڭ، ءوڭىر سپورتشىلارىنىڭ، مۇمكىندىگى شەكتەۋلى جانداردىڭ قاتىسۋىمەن "دوستىق ۇيىنەن" جاستار كارناۆالىمەن باستاۋ الدى.

جينالعان قاۋىمعا بالالارعا ارنالعان ورنەكتەلگەن قولاربالار كورمەسىن تانىستىرىپ ءوتتى. سونىمەن قاتار ەرتەگى كەيىپكەرلەرىنىڭ جانە ءداستۇرلى مەرەكەلىك كيىمدەرىن كيىپ، ءتۇرلى اسپاپتا ويناۋ ارقىلى «جاندى اربات» بويىن مەرەكەگە بولەدى. جالپى 100-دەن اسا قاتىسۋشىنى قامتىعان جاستار كارناۆالى قالا تۇرعىندارىن قىزىقتى مادەني كوپشىلىك شارالار ورتالىعىنا اپاردى.

ورتالىق الاڭدا اسىق اتۋ، "Workout" سپورتتىق سايىستارى، جاس وتباسىلار اراسىندا "تولاعاي" سپورتتىق سايىسى، قاراپايىم دوستىققا باۋليتىن «ءبىز دە بالا بولعانبىز» اتتى ەسكىدەن قالعان اۋلا ويىندارىنا قاتىسۋعا نيەت ءبىلدىرۋشى قالا تۇرعىندارى اراسىندا سايىس ءوتتى. سايىستا جەڭىسكە جەتكەن قاتىسۋشىلار باعالى سىيلىقتارمەن ماراپاتتالدى.

شارا ودان ءارى، «LIVE ARBAT» جاستار كونتسەرتىمەن جالعاسىپ، ستۋدەنتتەردىڭ ءبىرى ءان شىرقاسا، ءبىرى ءتۇرلى اسپاپتاردا ويناپ ورتالىق الاڭدى ەرەكشە رەڭگە بولەدى.

سونىمەن قاتار، شاراعا ارنايى قالا اكىمىنىڭ ورىنباسارى بەكتاس نۋريددينوۆ پەن «ابزال ي ك» تس ديرەكتورى ماعجان ەراليەۆ قاتىسىپ، كوپبالالى وتباسىعا توسىن سىي جاسادى.

«ابزال ي ك» تس كوپبالالى وتباسىعا قالالىق اكىمدىك پەن "اتامەكەن" ۇكپ قولداۋىمەن جۇزەگە اسىپ جاتقان «مەنىڭ اتامەكەنىم» الەۋمەتتىك جوباسى اياسىندا 3 بولمەلى پاتەر كىلتىن تابىستادى.

باقىتقا بولەنگەن وتباسىنىڭ ۇلكەنى، 5 نەمەرەنىڭ اجەسى دەمەۋشىلىك كورسەتكەن كاسىپكەر «ابزال ي ك» تس ديرەكتورى ماعجان ابزالۇلىنا جومارتتىقتىڭ شىنايى ۇلگىسىن كورسەتىپ، كۇتپەگەن سىي جاساعانى ءۇشىن شىن جۇرەكتەن العىسىن ءبىلدىردى.

كاسىپكەردىڭ بۇل وتباسىنى تاڭداۋىنا جاس مامان نۇربولات پەن جۇبايى بوتاگوزدىڭ مەكتەپ جاسىنداعى ەكى ۇل جانە ءۇش جاسار ۇشەم – حاديشا، رايانا جانە ايشانى تاربيەلەپ، جالدامالى پاتەردە تۇرىپ جاتقاندىعى تۇرتكى بولعان.

Abai.kz