«حابار» تەلەارناسى «بولشايا نەدەليا» باعدارلاماسىنىڭ ارنايى شىعارىلىمىندا  «تۇران الەم» بانكىنىڭ بۇرىنعى باسشىسى ەرجان ءتاتىشوۆتىڭ ءولىمىنىڭ سەبەبىن تالقىلادى.

ارنايى حابارعا بانكيردىڭ ولىمىنە قاتىستى وقيعانىڭ اق-قاراسىن تالقىلاۋعا قايتىس بولعان بۇرىنعى باسشىسى ەرجان ءتاتىشوۆ وتباسىنىڭ ادۆوكاتى ەۆگەني ياۆورسكي، سۋديا ازامات تىلەپوۆ، باس پروكۋراتۋرادان ەرجان ەرمۇحانبەتۇلى، بلوگەر، قوعام قايراتكەرى دەنيس كريۆوشەەۆتەر قاتىستى. سونداي-اق «قازشىنىقۇرىلىس» مەكەمەسىنىڭ بۇرىنعى باسشىسى مۇراتحان توقمادي جازاسىن وتەۋ مەكەمەسىنەن تىكەلەي بايلانىسقا شىقتى. مۇراتحان توقمادي بانكتىڭ بۇرىنعى باسشىسى ەرجان تاتىشەۆتى تاپسىرىسپەن ءولتىرۋ ءىسى بويىنشا وقيعانىڭ قالاي وربىگەنىن تالداپ، ايتىپ بەرەدى. سونداي-اق 2001-2006 جىلدارى ۇلتتىق قاۋىپسىزدىك كوميتەتىن باسقارعان نارتاي دۇتباەۆ، ەرجان تاتىشەۆتىڭ بۇرىنعى جەكە كۇزەتشىسى سەرگەي كوزليكين بانكيردىڭ ءولىمىنىڭ قالاي، قايدا، قاشان بولعانىن تالدادى.

باعدارلامادا ەكس-بانكيردىڭ ولىمىنە قاتىستى دەرەكتەردى شەتەلدىك ساراپشىلار «مۇحتار ءابىليازوۆتىڭ تاپسىرىسىمەن ەرجان تاتىشەۆتى ءولتىردىم» دەگەن مۇرات توقماديدىڭ ءۋاجىن جان-جاقتى تالقىلاپ شىققان. باستاپقىدا «ەرجان تاتىشەۆتى بايقاماي اتىپ الدىم» دەپ اقتالعان مۇراتحان توقمادي بانكيردى ادەيى ولتىرگەنىن مويىندايدى. تاپسىرىستى ورىنداعانى ءۇشىن 4 ميلليون دوللارعا كەلىسكەنىن دە ايتىپ وتەدى.

وقيعانىڭ ۇزاق تەرگەلۋى جايىندا الداعى ۋاقىتتا تولىقتاي جازاتىن بولامىز.

Abai.kz