قر اقپارات جانە قوعامدىق دامۋ ءمينيسترى داۋرەن اباەۆ قر پرەزيدەنتى جولداۋىنىڭ ءبىر ايداعى نەگىزگى ناتيجەلەرىن باياندادى.

«پرەزيدەنت جولداۋىنىڭ جاريالانعانىنا ءبىر اي بولدى، بۇل ۋاقىتتا اتقارىلعان جۇمىس از ەمەس. اتقاراتىن شارۋا دا كوپ. مۇندا جولداۋدىڭ بەلگىلى ءبىر ۋاقىتقا جوسپارلانعان باعدارلامالىق قۇجات ەكەنىن ءتۇسىنۋ قاجەت. ونى جۇزەگە اسىرۋ ءۇشىن 81 تارماقتان تۇراتىن جالپىۇلتتىق جوسپار ازىرلەندى جانە قابىلداندى. مۇندا ناقتى شارالار كورسەتىلگەن، ونىڭ ناتيجەسىن حالىق سەزىنەدى دەپ ۇمىتتەنەم»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

مىسال رەتىندە مينيستر «سارىارقا» گاز قۇبىرى قۇرىلىسىنىڭ جاندانعانىن ايتتى.

«مەملەكەت باسشىسى نۇرسۇلتان نازارباەۆتىڭ بەس الەۋمەتتىك باستاماسىن جۇزەگە اسىرۋعا كوڭىل ءبولدى. ەلدى گازداندىرۋ بويىنشا ول «سارىارقا» گاز قۇبىرىنىڭ قۇرىلىسىن تەزدەتۋدى تاپسىردى. قازىرگى ۋاقىتتا ەنەرگەتيكا مينيسترلىگىنىڭ دەرەكتەرىنە سۇيەنسەك، كۇنىنە شامامەن 6 شاقىرىم دانەكەرلەۋ جۇمىسى جۇرگىزىلۋدە. توراپتار قۇرىلىسى اياقتالۋعا جاقىن، ارينە، الدا تەحنيكالىق جۇمىستار، جابدىقتاۋ ماسەلەلەرى بار. بىراق بارلىق جۇمىستى جەلتوقسان ايىنا دەيىن ءبىتىرۋ جوسپارلانعان»، - دەپ اتاپ ءوتتى د. اباەۆ.

ونىڭ ايتۋىنشا، قاراعاندى، اقمولا وبلىستارىندا جانە نۇر-سۇلتان قالاسىندا 3 ميلليونعا جۋىق ادام تابيعي گازبەن قامتىلادى.

«بۇل ينفراقۇرىلىم شاعىن جانە ورتا بيزنەستىڭ دامۋىنا ىقپال ەتەدى. جانە ەڭ باستىسى – اۋاعا لاستاۋشى زاتتاردىڭ تارالۋىن تومەندەتەدى»، - دەدى مينيستر.

Abai.kz