"ارىستاعى قارۋ-جاراق قويماسىندا وتە كۇردەلى جۇمىستارى باستالدى. وسى جۇمىستار بارىسىندا اسكەري بولىمشەدەن جارىلاتىن، جارىلمايتىن قارۋ تۇرلەرىنىڭ فراگمەنتتەرى تابىلىپ جاتىر. وق-دارىلەر ارىستان 60 شاقىرىم جەردە ورنالاسقان پوليگوندا جويىلىپ جاتىر. جەرگىلىكتى تۇرعىندارعا، ارىس قالاسىنا قازىر قاۋىپ جوق" دەدى ەرمەكباەۆ.

21 قىركۇيەكتە ارىس قالاسىنان 60 شاقىرىم جەردە ورنالاسقان پوليگوندا وق-دارىلەردى جويۋ كەزىندە ون ساپەر جارالانعان. ولار اسكەري گوسپيتالعا جەتكىزىلگەن.

وسىدان ءۇش ايداي بۇرىن تۇركىستان وبلىسى ارىس قالاسىنداعى اسكەري قويما جارىلىپ، ءتورت ادام قازا تاپقان. رەسمي دەرەك بويىنشا، قويماداعى وق-ءدارىنىڭ 70 پايىزدان استامى جارىلىپ كەتكەن. قالاداعى تۇرعىن ۇيلەردىڭ باسىم بولىگى بۇلىنگەن.

وسى وقيعادان سوڭ ەلدەگى اسكەري قويمالاردىڭ جاعدايى مەن قويما ماڭىنداعى تۇرعىندار قاۋىپسىزدىگى ماسەلەسى كوتەرىلە باستاعان.

سوڭعى ون جىلدا ارىس قالاسىندا اسكەري قارۋ ساقتالاتىن قويمالاردا ءتورت رەت جارىلىس بولىپ، بىرنەشە ادام قازاعا ۇشىراعان. بيىل ماۋسىمداعى جارىلىستان كەيىن قورعانىس مينيسترلىگى اسكەري وق-ءدارىنىڭ "ەلدىمەكەندەردەن اۋلاق جەرگە" كوشىرىلەتىنىن مالىمدەگەن.

Abai.kz