جۇما, 5 ماۋسىم 2020
COVID-19 قازاقستاندا. جۇقتىرعاندار — 12312. جازىلعاندار — 6606. قايتىس بولعاندار — 52
جاڭالىقتار 4841 0 پىكىر 30 شىلدە, 2011 ساعات 10:37

ابديەۆا شىرىنحان. قازاق ءتىلى ساباعىندا اقپاراتتىق-كوممۋنيكاتيۆتىك تەحنولوگيالاردى پايدالانۋ ادىستەرى

ەلىمىزدە بولىپ جاتقان الەۋمەتتىك-ەكونوميكالىق وزگەرىستەر، كۇننەن - كۇنگە ۇدەپ كەلە جاتقان اقپاراتتار اعىمدارى، ەڭبەك نارىعىنداعى باسەكەلەستىكتىڭ ارتۋى جوعارى وقۋ ورنىن بىتىرۋشىلەرگە قويىلاتىن تالاپتاردى كۇشەيتۋدە. قازىرگى كەزدەگى ءبىلىم بەرۋدەگى ماقسات - جان-جاقتى، ءبىلىمدى، بولاشاققا جاڭا كوزقاراسپەن قاراي  بىلەتىن جانە وزگەرىستەرگە، ءومىر سۇرۋگە بەيىم، وزىندىك وي-تولعامى بار، قابىلەتتى جەكە تۇلعانى قالىپتاستىرۋ. وقىتۋشىنىڭ بيلىك جۇرگىزۋ ادىسىنەن ارىلۋى; وقىتۋ كەزىندە ءبىلىم بەرەتىن وقىتۋشى ەمەس، وسى ءبىلىمدى قىزىعا قابىلداۋعا دايىن ستۋدەنت ەكەندىگى، ستۋدەنتتەردىڭ وقۋعا دەگەن ىنتاسىن كۇشەيتۋ، ءوز دەربەستىگىن دامىتۋ.

وسىعان بايلانىستى ستۋدەنتتەردىڭ شىعارماشىلىق ارەكەتىن، ءبىلىمدى وزدىگىنەن ىزدەنىس ارقىلى تابۋدىڭ جولىن، جالپى پەداگوگيكالىق پرينتسيپتەردى باسشىلىققا الۋ بىلىكتىلىكتەرىن كوتەرۋ ماسەلەسى قويىلىپ وتىرعاندىقتان، ءبىلىم بەرۋدى ۇيىمداستىرۋشى-وقىتۋشى مەن ءبىلىم الۋشى-ستۋدەنتتەر اراسىنداعى قارىم-قاتىناس دارەجەسى مۇلدەم باسقاشا جاڭا دەڭگەيگە كوتەرىلۋى ءتيىس. وسىنىڭ نەگىزىندە وقىتۋ ادىستەرى مەن وقۋ ارەكەتتەرى تۇرلەنىپ، جۇمىستىڭ قۇرىلىمى دا، مازمۇنى دا، ونى ۇيىمداستىرۋدىڭ پەداگوگيكالىق-پسيحولوگيالىق ماقساتى دا كەشەندى تۇردە وزگەرىسكە ۇشىرادى.

ەلىمىزدە بولىپ جاتقان الەۋمەتتىك-ەكونوميكالىق وزگەرىستەر، كۇننەن - كۇنگە ۇدەپ كەلە جاتقان اقپاراتتار اعىمدارى، ەڭبەك نارىعىنداعى باسەكەلەستىكتىڭ ارتۋى جوعارى وقۋ ورنىن بىتىرۋشىلەرگە قويىلاتىن تالاپتاردى كۇشەيتۋدە. قازىرگى كەزدەگى ءبىلىم بەرۋدەگى ماقسات - جان-جاقتى، ءبىلىمدى، بولاشاققا جاڭا كوزقاراسپەن قاراي  بىلەتىن جانە وزگەرىستەرگە، ءومىر سۇرۋگە بەيىم، وزىندىك وي-تولعامى بار، قابىلەتتى جەكە تۇلعانى قالىپتاستىرۋ. وقىتۋشىنىڭ بيلىك جۇرگىزۋ ادىسىنەن ارىلۋى; وقىتۋ كەزىندە ءبىلىم بەرەتىن وقىتۋشى ەمەس، وسى ءبىلىمدى قىزىعا قابىلداۋعا دايىن ستۋدەنت ەكەندىگى، ستۋدەنتتەردىڭ وقۋعا دەگەن ىنتاسىن كۇشەيتۋ، ءوز دەربەستىگىن دامىتۋ.

وسىعان بايلانىستى ستۋدەنتتەردىڭ شىعارماشىلىق ارەكەتىن، ءبىلىمدى وزدىگىنەن ىزدەنىس ارقىلى تابۋدىڭ جولىن، جالپى پەداگوگيكالىق پرينتسيپتەردى باسشىلىققا الۋ بىلىكتىلىكتەرىن كوتەرۋ ماسەلەسى قويىلىپ وتىرعاندىقتان، ءبىلىم بەرۋدى ۇيىمداستىرۋشى-وقىتۋشى مەن ءبىلىم الۋشى-ستۋدەنتتەر اراسىنداعى قارىم-قاتىناس دارەجەسى مۇلدەم باسقاشا جاڭا دەڭگەيگە كوتەرىلۋى ءتيىس. وسىنىڭ نەگىزىندە وقىتۋ ادىستەرى مەن وقۋ ارەكەتتەرى تۇرلەنىپ، جۇمىستىڭ قۇرىلىمى دا، مازمۇنى دا، ونى ۇيىمداستىرۋدىڭ پەداگوگيكالىق-پسيحولوگيالىق ماقساتى دا كەشەندى تۇردە وزگەرىسكە ۇشىرادى.

وسىنداي وزگەرىستەردەن كەيىن كوپ جىلداردان بەرى قالىپتاسقان ساباق بەرۋ ادىستەرى، ونىڭ ىشىندە، ستۋدەنتتەرگە دايىن ءبىلىمدى بەرە سالۋ، ۇسىنىلعان تاپسىرمانى ورىنداتۋ، ءبىر سارىندى تاپسىرمالار جۇيەسى سياقتى جۇمىس تۇرلەرى ءوز اكتۋالدىعىن جوعالتتى.
قازاق ءتىلى ساباعى ءارى تارتىمدى، ءارى قىزىقتى، ءارى ساپالى بولۋى ءار وقىتۋشىنىڭ وزىنە، ءبىلىم دەڭگەيىنە، كاسىبي شەبەرلىگىنە بايلانىستى. وقۋ-تاربيە نەگىزى-ساباق. سوندىقتان ساباق تارتىمدى، اسەرلى، ماقساتى ايقىن، قىزىقتى جانە تولىق ءماندى بولۋى ءتيىس. ول - سونىمەن بىرگە باسقا ۇلت ستۋدەنتتەرىنە  قازاقتىڭ ادەبيەتى مەن مادەنيەتىن، عىلىمىن، ونەرىن ناسيحاتتايتىن ءپان.
وقىتۋشى ساباقتى دۇرىس جوسپارلاپ، ماقساتىن ناقتى بەلگىلەپ المايىنشا كوزدەگەنىنە جەتە المايدى. ساباقتىڭ مازمۇنىن، قۇرىلىسىن، دالدىگىن، جۇمىس جۇرگىزۋ ءتاسىلىن مۇقيات ويلاستىرۋى قاجەت. ساباقتا جاڭا تەحنولوگيا رەتىندە اقپاراتتىق-كوممۋنيكاتيۆتىك تەحنولوگيالاردى پايدالانۋدا  وتكىزىلەتىن ساباقتاردى  جوسپارلاۋدىڭ نەگىزگى تالاپتارى:
- جاعىمدى پسيحولوگيالىق ورتا جاساۋ;
- ستۋدەنتتەردىڭ ءتىل ۇيرەنۋگە دەگەن قىزىعۋشىلىعىن ء(ۋاج، ىنتا، ۇمتىلىس) تۋدىرۋ;
- اقپاراتتىق -كوممۋنيكاتيۆتىك تەحنولگيالارمەن جۇمىس ىستەي بىلۋگە ۇيرەتۋ;
-اقپاراتتىق-كوممۋنيكاتيۆتىك تەحنولگيالارمەن ورىندالاتىن جۇمىستاردىڭ پروبلەمالىق بولۋى;
- پروبلەمانى شەشۋگە جانە شەشىم قابىلداي بىلۋگە  ۇيرەتۋ;
- كەز-كەلگەن پروبلەمانى شىعارماشىلىق تۇرعىدان  شەشۋگە بەيىمدەۋ;
- وزىندىك پىكىر، يدەيالار، تۇجىرىم، تۇسىنىك كەلتىرۋ;
- پىكىرىن، تۇجىرىمىن، يدەياسىن دالەلدەي جانە قورعاي بىلۋگە داعدىلاندىرۋ;
- ءوز بەتىنشە ورىنداۋعا بەرىلگەن جۇمىستارعا ۇلكەن جاۋاپكەرشىلىكپەن قاراۋعا، شىعارماشىلىقپەن ورىنداۋعا ۇيرەتۋ;
- ستۋدەنتتەردىڭ بىرلەسكەن تانىم پروتسەسسىنە بەلسەندى ارالاسۋىنا مۇمكىندىك جاساۋ;
- ستۋدەنتتەردىڭ ءوزىنىڭ ۇيرەنگەنى مەن ءوز ءبىلىمى تۋرالى تۇسىنىكتەرىن ورتاعا سالىپ، بىرلەسە تالقىلاپ، ولار تۋرالى پىكىر الىسۋعا مۇمكىندىك جاساۋ;
- ستۋدەنتتەرگە  وزدىك جۇمىستارىن ۇيىمداستىرۋ ءۇشىن  ورتا قۇرۋ;
جوعارىدا ايتىلعان ماقساتقا جەتۋ ءۇشىن وقىتۋشىنىڭ ارەكەتى:
- ساباقتىڭ تاقىرىبىنا ساي ماقساتتىڭ ايقىن بولۋى;
- نەگىزگى ماسەلەنى بولە كورسەتۋى;
- ماتەريالداردىڭ ومىرمەن بايلانىستىلىعى ءارى تاربيەلىك ءمانىنىڭ ماڭىزدى بولۋى;
- ستۋدەنتتەرمەن تەڭ قۇقىلى تۇردە قارىم-قاتىناس جاساي ءبىلۋ;
- ءوز تالاپتارىن بۇيرىق تۇرىندە ەمەس، كەڭەس تۇرىندە ۇسىنۋ;
- ءار پىكىردى، يدەيانى تىڭداي ءبىلۋ، ونى سىيلاۋ جانە ونىمەن ساناسۋ;
- ەرەكشە يدەيالارعا قولداۋ جاساپ وتىرۋ;
- جاعىمدى ء(پوزيتيۆتى) جانە كونسترۋكتيۆتى كوزقاراس ۇستانۋ;
- ساباقتا اقپاراتتىق-كوممۋنيكاتيۆتىك تەحنولگيالاردى قولدانۋ ارقىلى ۇنەمى جاڭالىقتار ەنگىزىپ وتىرۋ;
- ستۋدەنتتەرمەن جەكە جۇمىستار جۇرگىزۋ ۇيگە بەرىلەتىن  تاپسىرمانىڭ  ۋاقتىلى جانە  ناقتىلى بەرىلۋى;
- باعالاۋ نورمالارى ساقتالىپ، ءادىل باعالانۋى;
- وسى ناتيجەگە جەتكىزەتىن -ساباقتىڭ جۇيەلىگى.
ساباقتا جاڭا تەحنولوگيا رەتىندە اقپاراتتىق تەحنولگيانى پايدالانۋ ساباقتىڭ تيىمدىلىگى مەن ءۋاجىن ارتتىرىپ، ءبىلىم بەرۋدىڭ تابىستى بولۋىنا وڭ ىقپالىن تيگىزەرى ءسوزسىز. اقپاراتتىق-كوممۋنيكاتيۆتىك تەحنولوگيانى بارلىق دەڭگەيلەردە جۇيەلى پايدالانۋ ارقىلى ساباقتاردا الىنعان اقپاراتقا تالداۋ جاساي بىلۋگە، اقپاراتتى دۇرىس تاڭداۋ جاۋاپكەرشىلىگىن قالىپتاستىرۋعا جانە ءوز  بەتىنشە جۇمىس ىستەۋگە  داعدىلاندىرادى. اقپاراتتىق-كوممۋنيكاتيۆتىك تەحنولوگيا نەگىزىندە - وقىتۋدىڭ جاڭا مودەلىن قۇرۋعا جول اشىپ  وتىر.
اقپاراتتىق تەحنولوگيا ساباقتى تۇرلەندىرۋدىڭ، ەرەكشەلەندىرۋدىڭ، دارالاندىرۋدىڭ ءتاسىلى عانا ەمەس، سونىمەن قاتار ساباقتى جاڭاشا ۇيىمداستىرۋدىڭ مۇمكىندىگى. اقپاراتتىق تەحنولوگيانىڭ كومەگىمەن جۇرگىزىلەتىن ساباقتاردا - ستۋدەنت ءوزىن بەلسەندى جانە ەركىن، وقىتۋشىمەن تەڭ دارەجەدە ۇستاي الادى. قازاق ءتىلى ساباعىندا اقپاراتتىق تەحنولوگيانى ەنگىزۋ ارقىلى ساباقتىڭ بەلسەندىلىگىن ارتتىرۋعا، دامىتا وقىتۋ يدەياسىن جۇزەگە اسىرۋعا، ساباقتى شاپشاڭ جۇرگىزۋگە، ستۋدەنتتىڭ وزدىك جۇمىسىنىڭ كولەمىن كوبەيتۋگە بولادى. پەداگوگيكالىق تەحنولوگيا جالپى كومپيۋتەرلەندىرۋ ۇردىسىنەنتىسقارى قالعان جوق.
سوندىقتان ساباقتا اقپاراتتىق جانە كوممۋنيكاتيۆتىك تەحنولوگيانى كەڭىنەن پايدالانۋ ۇيرەنشىكتى، قالىپتى جاعداي رەتىندە قاراستىرىلعانى ءجون. بۇگىنگى كۇنى كەز-كەلگەن وقىتۋشى قازاق ءتىلى ءپانى بولسىن، باسقا پاندەر بولسىن اقپاراتتىق جانە كوممۋنيكاتيۆتىك تەحنولوگيانى پايدالانۋ ارقىلى ءارتۇرلى  ساباقتارعا ازىرلەمەلەر  دايىنداپ جانە ونى جوعارى دەڭگەيدە وتكىزە بىلسە، ساباقتىڭ تارتىمدى ءارى قىزىق   بولاتىنى انىق.. مۇنداي ساباقتار ستۋدەنتتەردى باسقا الەمگە، اقپاراتتار الەمىنە، تارتۋ ارقىلى  سول الەمدى ءوز كوزىمەن كورۋگە، كورگەنىن كۋرستاستارىنا جەتكىزۋ بارىسىندا ءتىل دامىتۋ  مۇكىندىگىنە يە بولادى.
ساباقتى ينتەرنەت جەلىسىنە قوسىلعان كومپيۋتەر ارقىلى باسقارۋ - قازاقشا سويلەۋگە ۇيرەنۋدىڭ تيىمدىلىگىن ارتتىرىپ، ستۋدەنتتىڭ ويلاۋ قىزمەتىن بەلسەندىرەدى. كومپيۋتەردى قازاق ءتىلى ساباعىندا پايدالانۋدىڭ  نەگىزگى ماقساتىنىڭ ءبىرى - قازاق راديوسى، شالقار باعدارلاماسى مەن تەلەديدار ماتەريالدارىن ساباقتا ءتيىمدى پايدالانۋدى ۇيىمداستىرۋ ارقىلى، ءداستۇرلى وقىتۋشى→دارىسحانا→ستۋدەنت جۇيەسىنىڭ ورنىنا  ستۋدەنت→كومپيۋتەر→كوميۋتەرلىك وقىتۋ باعدارلمالارى→وقىتۋشى جۇيەسىن ەنگىزۋ، وقىتۋ ءۇردىسىن،  وقىتۋشى مەن ستۋدەنت ءرولىنىڭ سيپاتىن تۇبەگەيلى وزگەرتەدى. كومپيۋتەردىڭ يلليۋستراتيۆتىك جانە ديالوگتىك مۇمكىندىكتەرى وقۋ ءۇردىسىنىڭ ۋاجدەمە سالاسى مەن ارەكەتتىك قۇرىلىمىنا ۇلكەن اسەرىن تيگىزەدى.
ءتىل ۇيرەنۋ قابىلەتى تومەن ستۋدەنتتەردىڭ ءوزى دە كومپيۋتەردەن بەرىلگەن تاپسىرمالار ارقىلى سويلەۋگە، ويىن قازاقشا جەتكىزۋگە تىرىسادى. قازاق ءتىلىن ۇيرەتۋدە ينتەرنەتتىڭ مۇمكىندىگىنە توقتايتىن بولساق، سويلەۋ ارەكەتىنىڭ ءتورت تۇرىندە (وقىلىم، ايتىلىم، تىڭدالىم، جازىلىم) دە پايدالانۋعا بولاتىنى بەلگىلى. ياعني، اقپاراتتىق تەحنولوگيا - وقۋ  ورىندارىندا ءبىلىم جەتىلدىرۋشى قۇرال.
مىسالى: باستاۋىش توپتاردا - ينتەرنەتتەن الىنعان سۋرەتتەردى ءيلليۋستراتيۆتى ماتەريال رەتىندە پايدالانىپ، ءار ءتۇرلى جاتتىعۋلار قۇراستىرۋ ارقىلى ستۋدەنتتەردىڭ سويلەۋ داعدىسىن قالىپتاستىرۋعا; شاعىن ەرتەگىلەر مەن اڭگىمەلەردى تىڭداتۋ جانە وقىتۋ ارقىلى ءتىل دامىتۋعا، سونىمەن قاتار ماتەريالدى تاڭداۋ مۇمكىندىگىن ستۋدەنتتەردىڭ وزىنە بەرۋگە بولادى. ستۋدەنت ماتەريالدى ىزدەۋ بارىسىندا ءارتۇرلى ماتىندەردى وقىپ، ونى تۇسىنۋگە تىرىسادى. جالعاستىرۋشى توپتاردا -جاڭالىقتاردى كورىپ، تىڭداتۋ، تىڭداعان جاڭالىقتارى بويىنشا پىكىر الماسۋ جانە قازاق راديوسىنان:  «بالا ءتىلى - بال»، «اتادان قالعان اسىل ءسوز»، «ءىنجۋ-مارجان»،  «دالانىڭ دانا ارۋلارى»، كەشكى ەرتەگى ايدارلارىمەن بەرىلگەن ماتەريالداردى ءتىل دامىتۋ جۇمىستارىنا پايدالانامىز ت.ب. وسى ماتەريالدار كومەگىمەن تومەندەگىدەي جۇمىس تۇرلەرىن ۇيىمداستىرۋعا بولادى.

مىسالى: 1. «اسسوتسياتسيا جانە بولجام»
ستۋدەنتتەر توپپەن، جۇپپەن نەمەسە جەكە تاپسىرما الادى. ءماتىننىڭ تاقىرىبىن ەستىگەننەن كەيىن قانداي  اسسوتسياتسيا پايدا بولدى؟ ءماتىن نە تۋرالى بولادى دەپ ويلايسىز؟
2. «سۇراق-جاۋاپ»
ءماتىندى تىڭداتىپ، ءبىر بىرىنە سۇراق قويادى. وزدەرىنىڭ جاۋاپتارىنان ءماتىن قۇرادى. قۇراستىرعان ماتىندەرى مەن ءاۋديوماتىندى قايتا تىڭداپ، سالىستىرادى.
3. «ءماتىندى تىڭداپ، اياقتا»
كەلەسى ءماتىننىڭ باسىن تىڭداپ، اياعىن ءوزى قۇراستىرىپ، اياقتايدى.
4. «مەن ديكتورمىن»
ءاۋديوماتىندى بىرنەشە رەت تىڭداپ، ديكتور رولىنە ەنىپ، (مۇمكىندىگىنشە جاتتاپ الادى) سويلەيدى.
5. «مەن مۋزىكامەن كوركەمدەۋشىمىن»
ءماتىندى تىڭداپ، ءماتىن مازمۇنىنا ساي اۋەن تاڭدايدى. بۇل اۋەندى نەگە تاڭداعانىن تۇسىندىرەدى.
6. «مەن كوركەمدىك جەتەكشىمىن»
ءماتىننىڭ مازمۇنى مەن اۋەنىنە ساي ءار ءتۇرلى سلايدتار دايىندايدى جانە بۇل سلايدتاردى نەگە تاڭداعانىن تۇسىندىرەدى.
ينتەرنەت ارقىلى  جالعاستىرۋشى توپتارمەن جۇرگىزىلەتىن جۇمىستاردىڭ ءتيىمدى ءتۇرى رەتىندە سوڭعى كەزدە ستۋدەنتتەردىڭ ءوز بەتتەرىنشە دايىنداپ جۇرگەن  - كوميكس جاساۋ جۇمىستارىنا تولىعىراق توقتالا كەتەيىك. كوميكس دەگەنىمىز - ءار ءتۇرلى سيۋجەتتى سۋرەتتەر ارقىلى بەلگىلى وقيعاعا ستۋدەنتتەردىڭ وزدەرى قۇراستىرعان اڭگىمەلەرى. اڭگىمەنىڭ ورتاق تاقىرىبىن ستۋدەنتتەرمەن اقىلداسا وتىرىپ، بىرلەسىپ تاڭداۋعا دا نەمەسە ستۋدەنتتەردىڭ ءوز بەتىمەن تاڭداۋىنا دا بولادى.
كوميكسجاساۋ  جولدارى:
1. ينتەرنەتتەگى «Paint» باعدارلاماسىمەن سالعان سۋرەتتەرىنىڭ كومەگىمەن دايىندايدى;
2. دايىن اننيماتسيالاردى پايدالانادى;
3. مۋلتفيلمدەردى پايدالانادى;
4. سۋرەتتەرگە ءتۇسىرىپ، تۇسىرىىلگەن سۋرەتتەردى پايدالانادى;
كوميكسجاساۋ ارقىلى ستۋدەنتتەردىڭ - شىعارماشىلىق، لوگيكالىق  ويلاۋ  قابىلەتتەرى قالىپتاسادى; اسسوتساتيۆتىك ءورىسى كەڭەيەدى; قازاقشا سويلەۋ جانە جازۋ (سيۋجەتتەگى رولدەردىڭ سوزدەرىن جازۋ ارقىلى) قابىلەتتەرى داميدى، ستۋدەنتتىڭ قازاق تىلىنە دەگەن قىزىعۋشىلىعى جانە بەلسەندىلىگى ارتادى.
جوعارى دەڭگەيدە ستۋدەنتتەردىڭ «وتاندىق ءونىم»،  «ەكونوميكا تىنىسى»، «قازاق عىلىمى»  ايدارمەن  بەرىلەتىناۋديو-بەينە ماتىندەر بويىنشا ءتۇرلى شىعارماشىلىق جۇمىستار ۇسىنىلادى.جوعارىدا بەرىلگەن جۇمىس تۇرلەرىنىڭ ناتيجەلى بولۋى - ءدارىسحانادا جاعىمدى احۋالدىڭ قالىپتاسۋى مەن وقىتۋشى مەن ستۋدەنتتىڭ اراسىنداعى سىيلاستىق، تۇسىنىستىككە تىكەلەي بايلانىستى.
- ينتەرنەت جەلىسىنە قوسىلعان كومپيۋتەر شەكسىز اقپارات الەمىندە ەنۋگە جانە اقپاراتتى جۇيەلى تۇردە تالداپ، ساراپتاۋعا مۇمكىندىك بەرەدى. اقپاراتتى الۋداعى جوعارى جىلدامدىق ادامنىڭ اقپاراتتىق مادەنيەتىنىڭ ۇنەمى وسۋىنە جاعداي جاسايدى.
- كومپيۋتەر ادامنىڭ زەرتتەۋ - تانىمدىق ارەكەتىنىڭ امبەباپ قۇرالى رەتىندە ەرەكشەلىنەدى.
- وزگە قۇرالداردان كومپيۋتەردىڭ ەرەكشەلىگى - ونىڭ قاتىسىمدىق قۇرال بولا ءبىلۋى. ياعني ستۋدەنت ول ارقىلى قاتىسىمنىڭ بارلىق تۇرلەرىن جۇزەگە اسىرا الادى. بۇل - ماتىندەردى وقۋ، سۇحبات جاساۋ، جازۋ، تىڭداۋ ارەكەتتەرى. ءتىل ۇيرەنۋدە بۇل مۇمكىنشىلىكتەر ەڭ ماڭىزدى بولماق.
قورىتا كەلە ايتارىمىز، اقپاراتتىق-كوممۋنيكاتيۆتىك تەحنولوگيا
1. وقۋ ماتەريالىن تەرەڭ تۇسىنۋگە;
2. وقۋ موتيۆاتسياسىنىڭ ارتۋىنا;
3. العان ءبىلىمنىڭ ۇزاق ۋاقىت ەستە ساقتالۋىنا;
4. ءبىلىم بەرۋگە جۇمسالاتىن ۋاقىتتىڭ ازايۋىنا ىقپال ەتەدى.

پايدالانىلعان  ادەبيەتتەر ءتىزىمى

  1. المەتوۆا ءا.س. «قازاق ءتىلى ساباعىندا ستۋدەنتتەردىڭ سۇحباتتىق تىلدەسىم مادەنيەتىن قالىپتاستىرۋدىڭ عىلىمي-ادىستەمەلىك نەگىزدەرى» پەد.عىل.دوكتور.ديسس.اۆتورەف. الماتى، 2007. -48ب.
  2. فازىلوۆا ر.ل. پروەكت نا ۋروكاح نەمەتسكوگو يازىكا \ينوستراننىي يازىك ۆ شكولە.-1999.- №.3
  3. گين ا.ا. پريومى پەداگوگيچەسكوي تەحنيكي: سۆوبودا ۆىبورا. وتكرىتوست. دەياتەلنوست. وبراتنايا سۆياز. يدەالنوست : پوسوبيە دليا ۋچيتەليا. - 5-ە يزد. - م.: ۆيتا - پرەسس، 2003.
  4. ۆلاسكين ا. ا.، سەنتسوۆا ت. م. اۆتوماتيزيروۆاننايا سيستەما وبۋچەنيا رۋسسكومۋ يازىكۋ. ماتەريالى VI مەجدۋنارودنوي كونفەرەنتسي "ينفورماتسيوننىە تەحنولوگي ۆ وبرازوۆاني" ("يتو-97/98")
  5. پوتاشنيك. يننوۆاتسيوننىي پروتسەسس ۆ شكولە. موسكۆا، 1991.

 

ابديەۆا شىرىنحان دۇيسەنبەكقىزى

پەداگوگيكا عىلىمدارىنىڭ كانديداتى، لەكتور

abdieva@kimep.kz

http://mtdi.kz/kz/makalalar/oku-adistemelik/509

0 پىكىر