قىزىلوردا وبلىسىنىڭ قۋانىشبەك ىسقاقوۆ وڭىرلىك كاسىپكەرلەر كەڭەسىنىڭ مۇشەلەرىمەن كەزدەستى، - دەپ حابارلايدى اباي-اقپارات.

جيىندا ايماق باسشىسى وڭىردە كاسىپكەرلىك سالاسىنىڭ دامۋ بارىسىنا توقتالىپ، الداعى مىندەتتەر جونىندە ءسوز قوزعادى.

- مەملەكەت باسشىسىنىڭ تاپسىرماسىنا سايكەس 2020 جىلدان باستاپ ميكرو جانە شاعىن بيزنەس سالىق تولەۋدەن بوساتىلىپ، ولارعا تەكسەرۋ جۇرگىزۋگە موراتوري جاريالاناتىن بولادى. بۇل وزگەرىستەردىڭ تۇپكىلىكتى ءتۇيىنى مەملەكەتتىڭ بيزنەستى دامىتۋ ءۇشىن بارىنشا قولايلى جاعداي جاساۋداعى ستراتەگيالىق باعىتىنا سايكەس كەلەدى. ءبىزدىڭ ماقساتىمىز وڭىردە بيزنەستى تابىستى جۇرگىزۋ ءۇشىن اكىمشىلىك كەدەرگىلەردى بولدىرماۋ جانە قولايلى جاعدايلار جاساۋ بولىپ تابىلادى، - دەدى قۋانىشبەك دوسمايىلۇلى.

سونداي-اق، ول وبلىستا كاسىپ باستاۋعا نيەتتى جانداردى قولداۋعا ءازىر ەكەندىگىن جانە كاسىپكەرلىك سالاسىن دامىتۋ باعىتىندا بىرلەسە جۇمىس اتقارۋعا شاقىردى.ول ءوز سوزىندە:

- ءبىز ءۇشىن جۇمىس ىستەيتىن ءاربىر كاسىپكەر ماڭىزدى جانە ولارعا ءبىز جۇمىستى جۇرگىزۋ ءۇشىن ەڭ جاقسى جاعدايلاردى جاساۋعا تىرىسامىز، - دەپ اتاپ ءوتتى.

بۇدان ءارى ءوڭىر باسشىسى بيزنەس وكىلدەرىنىڭ ۇسىنىستارىن تىڭداپ، پىكىر الماستى.

بۇگىنگى تاڭدا قىزىلوردا وبلىسىندا تۇراقتى جۇمىس ورىندارىن قۇرۋ، سالىق بازاسىن ۇلعايتۋ جانە قوعامدىق-ساياسي احۋالدى تۇراقتاندىرۋ ماقساتىندا «جاپپاي كاسىپكەرلىكتى دامىتۋ» جوباسى ەكىنشى جىل قاتارىنان جۇزەگە اسىرىلۋدا. بۇعان ارنايى جول كارتاسى ازىرلەنىپ، ءارتۇرلى قارجى كوزدەرىنەن 34 ملرد تەڭگە قارجى جۇمسالادى دەپ جوسپارلانىپ وتىر. ونىڭ ىشىندە 5 ملرد. تەڭگەسى مەملەكەتتىك جانە وڭىرلىك باعدارلامالار شەڭبەرىندە شاعىن نەسيەلەر جانە مەملەكەتتىك گرانتتار بەرۋگە باعىتتالعان.

ايتا كەتەيىك، 2019 جىلدىڭ 1 قاڭتارىندا وڭىرىمىزدە تىركەلگەن شاعىن جانە ورتا كاسىپكەرلىك سۋبەكتىلەرىنىڭ سانى 51078 بىرلىكتى قۇراپ، وسى جىلدىڭ 1 شىلدەسىندە ونىڭ سانى 51274 بىرلىككە جەتتى.

Abai.kz