ارال اۋدانىندا الەۋمەتتىك نىسانداردى كوگىلدىر وتىنمەن قامتۋ جۇمىستارى قارقىندى جۇرگىزىلۋدە، - دەپ حابارلايدى اباي-اقپارات.

بۇگىندە اۋداندىق بالالار ونەر مەكتەبى مەن مادەنيەت ورتالىعىنىڭ بۋ قازاندىعى گازبەن جابدىقتالعان. باس مەردىگەر – «اەS and Limited» جشس. اۋدان اكىمىنىڭ ءباسپاسوز قىزمەتى اتالعان نىساندار جىلۋ بەرۋ ماۋسىمىنا تولىقتاي دايىن ەكەندىگىن حابارلادى.

بۇل باعىتتا اتقارىلعان جۇمىستاردى كوزبەن كورىپ قايتقان اۋدان باسشىسى مۇحتار ورازباەۆ ءتيىستى سالا باسشىلارىنا قاۋىپسىزدىك ەرەجەلەرىن قاتاڭ ساقتاۋ كەرەكتىگىن قاتاڭ ەسكەرتتى.

الداعى جىلۋ بەرۋ ماۋسىمىنا دەيىن قۇرىلىس جۇمىستارى تولىعىمەن تامامدالادى دەپ جوسپارلانىپ وتىر. ماسەلەن، قالاداعى №64 ورتا مەكتەپتىڭ بۋ قازاندىعى گازبەن جابدىقتالۋدا. قازىرگى تاڭدا قارجىسى قارالىپ، ءتيىستى جۇمىستار جۇرۋدە. جوسپار بويىنشا الداعى قازان ايىندا تولىعىمەن پايدالانۋعا بەرىلمەك. سونداي-اق، قالاداعى «التىن بالىق»، «گۇلدەر» جانە «مەرەكە» بالاباقشالارى دا وسى جىلى گاز جەلىسىنە قوسىلادى دەپ كۇتىلۋدە.

مۇنان وزگە، ارال قالاسىنداعى №62 مەكتەپ-ليتسەيى، №220 ورتا مەكتەبى جانە اۋداندىق مادەنيەت جانە تىلدەردى دامىتۋ ءبولىمى مەن اۋداندىق جۇمىسپەن قامتۋ، الەۋمەتتىك باعدارلامالار جانە ازاماتتىق حال اكتىلەرىن تىركەۋ بولىمدەرىندە جۇرگىزىلگەن كوگىلدىر وتىنعا قوسۋ جۇمىستارى ءوز مارەسىنە جەتكەن.

Abai.kz