قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى  2019 جىلعى 12 قىركۇيەكتە وقىتۋشىلار اراسىنداعى ا.بايتۇرسىنۇلى اتىنداعى رەسپۋبليكالىق بايقاۋىن وتكىزەدى.

بايقاۋدىڭ ماقساتى – قوعام قايراتكەرى، قازاقتىڭ ۇلتتىق عىلىمىنىڭ كوشباسشىسى  احمەت بايتۇرسىنۇلىنىڭ  عىلىمي-پەداگوگيكالىق مۇرالارىنىنىڭ   ساباقتاستىعىن جالعاستىرۋ.  مەملەكەتتىك ءتىلدىڭ قولدانىلۋ اياسىن كەڭەيتۋ  جانە ونى ساپالى وقىتۋ ماقساتىن جۇزەگە اسىرىپ جۇرگەن  ۇزدىك وقىتۋشىلاردىڭ جاڭاشىل ءادىس-تاسىلدەردى قولدانۋداعى جۇمىس تاجىريبەسىمەن تانىسۋ،  قازاق ءتىلىنىڭ جاس ماماندارى اراسىندا شىعارماشىلىقپەن جۇمىس جاسايتىن وقىتۋشىلاردى انىقتاۋ،  وزىق تاجىريبەلەرىن تاراتۋ، سونداي-اق  مەملەكەتتىك ءتىلدى وقىتىپ جۇرگەن وقىتۋشىلاردىڭ كاسىبي بەدەلى مەن قوعامداعى مارتەبەسىن ارتتىرۋ.

رەسپۋبليكالىق بايقاۋ ءۇش كەزەڭنەن تۇرادى: ءبىرىنشى كەزەڭ –  قاتىسۋشىلاردىڭ وزدەرى، وقۋ ماتەريالدارى جانە جەتىستىكتەرى جايلى الدىن الا دايىنداعان بەينەتانىستىرىلىمىنىڭ كورسەتىلىمى; ەكىنشى كەزەڭ – قاتىسۋشىلاردىڭ پەداگوگيكالىق-پسيحولوگيالىق جاعداياتتارعا ارنالعان تاپسىرمالاردى ورىنداۋى;  ۇشىنشى كەزەڭ –  20-25 مينۋت كولەمىندە ساباق ۇلگىسىن كورسەتۋ.

اتالعان شاراعا ەلىمىزدىڭ 16 ءوڭىرىنىڭ  وقىتۋشىلارى قاتىسادى.

رەسپۋبليكالىق بايقاۋ  جەڭىمپازدارىن ادىسكەر-عالىمداردان قۇرالعان قازىلار القاسى انىقتايدى. جەڭىمپازدار ارنايى ديپلومدار، العىسحاتتارمەن جانە قارجىلاي سىيلىقتارمەن ماراپاتتالادى.

وتەتىن ورنى: نۇر-سۇلتان قالاسى، دوستىق 1, «ForteBank» ءماجىلىس زالى

باستالۋى: ساع: 9.00

Abai.kz