ءماجىلىس توراعاسى ن. نىعماتۋلين Twitter الەۋمەتتىك جەلىسىندە جەكە پاراقشاسىن اشتى
ءماجىلىس توراعاسى نۇرلان نىعماتۋلين حالىق اراسىندا تانىمال الەۋمەتتىك جەلىلەردىڭ ءبىرى - تۆيتتەردە @NigmatulinKZ جەكە پاراقشاسىن اشتى.
ن. نىعماتۋلين ءوزىنىڭ Twitter قولدانۋشىلارىنا ارنالعان بەينەجازباسىندا ونىڭ قول جەتىمدى، زامانعا ساي بايلانىس قۇرالى ەكەنىن ايتتى. سونىمەن بىرگە:
- ول ءاربىر ازاماتپەن تىكەلەي بايلانىسىپ، جەدەل ۇسىنىس-پىكىر الماسۋعا مۇمكىندىك بەرەدى. بۇل ورتاق ماقسات جولىندا، بىرلەسە جۇمىس ىستەۋگە كەڭ جول اشادى دەپ ويلايمىن. سوندىقتان، الداعى ۋاقىتتا وسى پاراقشامدا ماجىلىستەگى ماڭىزدى جاڭالىقتارمەن ءبولىسىپ وتىراتىن بولامىن،-دەدى ءماجىلىس سپيكەرى.
Abai.kz
